2 Samuel 12:31 - Hawaii Pidgin Bible

³¹ He make da peopo dat live dea go way from dea town, an make dem go anodda place fo do garut kine work—fo cut stone wit saws, iron picks, an iron axes, an fo make brick. Az how he wen make to all da Ammon towns. Den David an all his army guys go back Jerusalem side.

2 Samuel 12:31 ပူးပေါင်းရင်းမြစ်များ

2 Samuel 8:2

Den David attack da Moab guys, an win. He make dea army guys lay down on top da groun, an measure dem wit one rope. Fo ery three Moab guys, da Israel army guys kill two a da guys, an da odda guy, dey let dem stay alive. Da Moab peopo dat no mahke come slaves fo David, an dey gotta pay him plenny tax from dat time.

1 Records 20:2

Den David come take da gold crown from da head a dea king, David find out da crown weigh bout seventy-five poun an get jewelry stones dat cost plenny on top um. So den David guys put dat crown on top his head. He take plenny rich kine stuffs from da town.

1 Records 20:3

He bring out da army guys dat stay dea, an make um work wit saws fo cut stone, an wit tools dat get iron poin, an axes. David make lidat to all da Ammon towns. Den David an his army guys go back Jerusalem.

Jeremiah 43:9

“Take some big stone wit you. Bury um inside da big square dat get clay floor, wea peopo go inside da palace fo da Pharaoh guy, Tahpanhes side. Make shua da Judah guys see you do um.

Amos 1:13

You betta lissen! Dis wat Da One In Charge tell: “Ova an ova, da Ammon peopo wen go agains me. Az why, no way I goin let um go an no punish dem! Gilead side, dey even wen rip open da hapai wahines Jus fo dem take ova mo plenny land.

Amos 1:14

Dass why I goin make da Rabbah town wall burn An da fire goin eat up all da palaces dat get strong wall. Goin get war an peopo yelling An fighting jalike one hurricane kine wind storm.

Amos 1:3

You betta lissen! Dis wat Da One In Charge tell: “Ova an ova, da Damascus peopo wen go agains me. Az why no way I goin let um go an no punish dem! Da buggahs wen trash da Gilead peopo, Jalike dey wen go drag one heavy board wit plenny spikes ova dea bodies.

Hebrews 11:37

Dey throw rocks fo kill um. Dey kill um wit da saw an half half dea bodies. Dey kill oddas wit swords too. Dem guys gotta go live any kine place an dey ony get sheep skin o goat skin fo wear. Dey no mo notting. Peopo make any kine to dem an give um plenny presha.

Joshua 10:15

Den Joshua an all da Israel peopo go back dea camp Gilgal side.