2 Samuel 12:20 - Hawaii Pidgin Bible

²⁰ Den David get up from da groun. He bafe, put on olive oil, an change his clotheses. Den he go da Tent Fo Come Togedda Wit Da One In Charge an show him love an respeck. Den he go his house. An he aks his guys fo food. Dey bring um, an he eat.

2 Samuel 12:20 ပူးပေါင်းရင်းမြစ်များ

2 Samuel 12:19

David see dat his palace guys stay wispa to each odda, an he figga dat da bebe mahke. So he aks, “He mahke, aah? o wat?” Dey tell, “Yeah, mahke awready.”

2 Samuel 12:21

David worka guys aks him, “How come you make lidis? Cuz wen da bebe stay alive, you skip food fo pray, an you cry. But now he mahke, how come you get up an eat?!”

2 Samuel 14:2

So Joab sen somebody Tekoa town fo bring one spesho wahine from dea dat know wat fo do erytime. Wen she come, he tell her, “Ack jalike you stay sad inside, aah?! Wear da kine clotheses fo wen you go one funeral, an no use perfume. Ack jalike one wahine dat stay sad inside an cry long time cuz somebody mahke.

2 Samuel 19:24

Mefiboshet, Saul grankid, he go down by da Jordan Riva fo give his aloha to da king. From da time da king wen go way till wen he come back safe, Mefiboshet neva take kea his feets o fix his mustache o wash his clotheses, jus fo show he stay sad inside.

2 Samuel 6:17

Dey bring da Box Fo Da One In Charge, an put um wea suppose to stay, inside one tent dat David wen make fo um. An David make one sacrifice dea in front Da One In Charge, wit burn up kine sacrifices, an da kine sacrifices dat show dat eryting stay good wit Da One In Charge an da peopo.

2 Samuel 7:18

Den King David go inside da tent an sit down in front Da One In Charge. He tell: “Eh! you da Boss, Da One In Charge! But I donno how come you wen do all dis fo me awready! Cuz I notting, an my ohana, us notting!

Job 1:20

Wen Job hear dat, right den an dea he stan up an rip his clotheses an shave his head fo show he stay sad inside. Den he go down an put his face on top da groun.

Job 2:10

He tell her, “You talk jalike one stupid wahine! You tink us goin get ony good kine stuff from God, an no mo bad tings too, o wat?!” Wen all dis stay happen, Job no tell notting bad.

Songs 103:1

I tink lidis: “Tell erybody dat Da One In Charge, He da One give me Da powa fo do eryting!” Eryting inside like tell Wat kine god him, Da One dat stay good an spesho!

Songs 103:8

Da One In Charge, He get plenny pity fo peopo, An he like do good tings fo dem. He no come huhu real fas. He get plenny love an aloha Fo stay tight with his peopo.

Songs 39:9

I no can tell notting. I no goin open my mout, Cuz you da one stay punish me.

Songs 95:6

Eh come! We go down In front Da One In Charge, We go down in front da One Dat wen make us guys.

Smart Guys 3:7

“No get big head cuz you tink you real smart An know wat fo do erytime. Mo betta you stay sked a Da One In Charge, Fo stay away from bad kine stuff.

Teacha 9:8

Erytime, wear nice clotheses, an no hold back fo put olive oil on top yoa head.

Matthew 6:17

“But you guys, wen you no eat so you can pray, comb yoa hair an wash yoa face.

Luke 7:46

You neva give me olive oil fo my head fo show me respeck, but she cova my feets wit her perfume.

Ruth 3:3

So den, you go bafe, an put perfume, an wear yoa nices clothes. Go da place wea dey take da junks outa da wheat. But no let Boaz know you dea, till afta he pau eat.

1 Samuel 15:25

Now, try let me go! I wen do one bad ting. Go come back wit me fo me show love an respeck fo Da One In Charge.”

1 Samuel 15:31

So Samuel go back wit Saul, an Saul show love an respeck fo Da One In Charge.