2 Samuel 12:14 - Hawaii Pidgin Bible

¹⁴ But cuz you wen make lidat, you wen ack jalike you tink Da One In Charge no good! So da boy dat goin born goin mahke fo shua.”

2 Samuel 12:14 ပူးပေါင်းရင်းမြစ်များ

2 Samuel 12:15

Den Nathan go back home. Da One In Charge wack da bebe afta Uriah wife born um fo David, an da bebe come sick.

Nehemiah 5:9

Den I tell, “Da tings you guys stay do, dass not right! Mo betta you guys live da way dat show you guys sked a God! Az how da odda peopos dat stay agains us, no can say notting bad bout us!

Songs 69:6

You my Boss, da God Ova All Da Armies. No let da peopo dat trus you Come shame cuz a me! You da God dat da Israel peopo pray to. No let da peopo dat trus you Lose face cuz a me!

Songs 74:10

God, how long mo dey goin Make us come shame, Da guys dat stay fight wit us?! Da guys dat come agains us, Dey goin talk bad bout you Fo give you one bad rep, o wat?!

Songs 94:12

Eh! Da One In Charge, Da peopo you tell um wen dey wrong Fo help um learn stuff, Da ones you teach from yoa Rules, Dey can stay good inside!

Songs 99:8

An you, oua God, You Da One In Charge a us! You wen do wat yoa peopo tell you fo do! Wen dey jam up, you da kine God Dat wen let um go. But same time, you wen punish dem Fo da bad tings dey do.

Isaiah 52:5

An now, Da One In Charge tell: “Now, wat I get hea?! Da Babylon peopo take away my peopo An dey no pay me notting fo dem. Da guys dat stay lead da Babylon peopo yell plenny. An all day dey talk bad bout who me.

Amos 3:2

He tell: “You guys, you da ony peopo dat I wen pick, From all da ohanas dat get all ova da world! Az why, you da peopo dat I goin punish Fo all da bad kine stuff you stay do.”

Matthew 18:7

“Bummahs! Da peopo hea inside da world, dey goin get it! Cuz get guys ova hea dat try fo make odda guys do bad kine stuff! Fo shua, goin get peopo dat like make odda guys do bad kine stuff. But Bummahs! Da guy dat make anodda guy do bad kine stuff, he goin get it!

Rome 2:24

Jalike Isaiah wen tell befo time, “Da peopos dass not Jew guys talk stink bout God an give God one bad rep cuz a you guys.”

1 Corint 11:32

Wen Da One In Charge punish us guys, you know, he do dat fo teach us guys da right way. He no like fo us get punish an come wipe out wit all da peopo inside da world bumbye.

Hebrews 12:6

Dass cuz Da One In Charge get love an aloha fo you. He tell you wen you wrong fo help you learn stuff. You know, erybody he pick fo come his kids, He give dem hard time wen he teach um.”

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.