2 Samuel 11:2 - Hawaii Pidgin Bible

^2-4 One time wen almos dark, David get up from his bed, an walk aroun on top da flat roof a da palace. From up dea, he see one wahine bafing. She real good looking! (She jus pau her period, an she bafe fo her go back in front God one mo time.) David sen one guy fo find out mo bout her. Da guy tell, “Fo shua, az Batsheba. Her faddah, Eliam, an her husban, Uriah da guy from da Het peopo.” Den David sen messenja guys fo bring her. She come by him, an he wen fool aroun wit her. Den she go home.

2 Samuel 11:2 ပူးပေါင်းရင်းမြစ်များ

Start 12:11

Jus befo dey go inside da Egypt land, Abram tell his wife Sarai, “Eh! You know wat? You, you one good looking wahine! An I know dis:

Start 3:6

Da wahine wen look da tree an tink da tree look real good fo get food. She eye up da fruit, an tink, “Ho! Nice looking, da tree! If I take some a da fruits an eat um, I goin come smart an can undastan any kine!” Den she take some a da fruits an eat um. She give um to her husban too, an he eat um wit her.

Start 34:2

Da main guy, dat land, was Shekem, Hamor boy from da Hiv peopo. Shekem spock Dinah, an he take her an rape her.

Start 39:6

Potifar neva even make Joseph show him da receipts. Da ony ting Potifar tink bout was wat kine food he like eat nex time. Joseph was one good looking guy.

Start 6:2

Had guys jalike gods dat wen check out da daughtahs dat born to da peopo. Dey see dat da wahines was good looking, an dey pick da ones dey like fo marry.

2 Samuel 13:1

King David boy Absalom get one real good looking sistah name Tamar. One time, anodda one a David boys, Tamar half braddah Amnon, get da hots fo Tamar.

2 Samuel 14:27

Absalom get three boys an one girl. Dey name da girl Tamar, an she come one real good looking wahine.

2 Samuel 4:5

So Rekab an Baanah, Rimmon boys from Beerot, dey go Ish-Boshet house. Dey come dea wen da sun stay real hot, aroun noon time. Ish-Boshet stay res on top his bed, inside da bedroom. Dey go inside da house, an ack jalike dey goin get some wheat. But dey stab Ish-Boshet inside da belly an kill um. Afta dey stab um, dey cut off his head. Den Rekab an his braddah Baanah bag outa dea. Dey take da head wit dem, an go all nite makai da Jordan Riva valley.

Job 31:1

“I wen make one strong promise, Dat no ways I goin check out any young wahine an like sleep wit her,

Songs 119:37

Make shua I no even like look At da wase time kine tings. Give me da real kine life, Da way you wen promise fo do.

Smart Guys 19:15

Da lazy buggahs, dey ony like sleep plenny, Az why dey no mo notting fo eat.

Smart Guys 31:30

Get wahines dat talk nice to you, But az all bulai. Get wahines, dey good looking, But fo ony short time. Da kine wahine dat stay sked fo no do wat Da One In Charge tell, Az good, erybody tell good tings bout her.

Smart Guys 6:25

No go tink, “Ho, dis wahine good looking! I like get her!” No good if da way she look at you goin trap you.

Smart Guys 7:8

Da guy was walking, an he go down one street, He right in front one corna Fo go dis wahine house.

Jeremiah 19:13

Da houses inside Jerusalem an da houses fo da Judah kings goin come pilau cuz a all da mahke bodies, jalike dis Tofet place. Dis cuz dey burn incense on top dea flat roofs fo all da gods in da sky, an pour out drink sacrifice fo da odda kine gods.’ ”

Matthew 10:27

Wat I stay tell you guys in da dark, tell um wea get light too. An wat I wispa in yoa ear, stan on top da house an yell um out.

Matthew 24:17

If you stay on top one house dat get flat roof, no go inside fo take yoa stuffs wit you.

Matthew 5:28

But I stay tell you guys dis: Whoeva look at one wahine an like fool aroun her, he do um awready inside.

Jesus Guys 10:9

Da nex day, noon time, dey come nea Joppa. Dat time Peter go up on top da flat roof fo pray.

Rules Secon Time 22:8

If you build one new house, make one fence aroun da flat roof. No good somebody fall down from on top dea an you get da blame fo kill somebody.

Rules Secon Time 5:21

“No go tink, ‘I like get da odda guy stuffs, an I goin get um!’ Dat mean, no go like get his wife, his house, his land, his worka guy o wahine, his cow o donkey—notting dat yoa neighba guy own.”

1 Peter 4:7

Da time wen eryting goin come pau goin come pretty soon. So you guys, use yoa head, an watch out how you ack, fo you pray good.

1 John 2:16

You guys know all da bad kine stuff dat get inside dis world: Peopo do wat dey like do cuz dass how dey stay. Dey like get wateva look good to dem. An dey like get da kine stuff fo show off too. All dat no come from da Faddah, but come from dis world.

1 Samuel 9:25

Afta erybody come back down from da sacrifice place on da top a da hill a da town, Samuel talk plenny wit Saul on top his flat roof.