2 Samuel 11:1 - Hawaii Pidgin Bible

¹ Da nex spring time, wen time fo kings go an fight wars, dis wat wen happen. King David sen Joab out wit da king officer guys, an all da Israel army guys. Dey wipe out plenny mo Ammon guys, an go afta dea main town Rabbah. But David, he stay inside Jerusalem.

2 Samuel 11:1 ပူးပေါင်းရင်းမြစ်များ

2 Samuel 10:14

Wen da Ammon guys see dat da Aram guys stay run away, dey run away too in front Abishai dem, an go back inside Rabbah town. Den Joab come back from fight da Ammon guys an go Jerusalem side.

1 Kings 20:22

Laytas, da guy dat talk fo God go by da Israel king an tell um dis: “You gotta make yoa army strong, an make plan watevas you goin do. Cuz nex year same time, da Aram king goin come back an attack you one mo time!”

1 Kings 20:26

So da nex year, same time, Ben-Hadad put togedda da Aram army. Dey go Afek town fo fight da Israel guys.

1 Records 20:1

Spring time, wen da king guys stay go out fo make war, Joab lead da Israel guys out fo fight. He wase da Ammon land. Den he go Rabbah town an put army guys all aroun so da peopo no can get food. (Same time, David stay Jerusalem town.) Den Joab attack Rabbah, an broke down all da buildings.

2 Records 36:10

Spring time, King Nebukadnezzar sen guys fo take him Babylon town, wit da mos nice kine tings from da Temple Fo Da One In Charge. Den Nebukadnezzar make Koniah relative Zedekiah da king fo Judah an Jerusalem.

Songs 60:9

So! Who goin show me da way fo go To da big town dat get strong wall?! Who goin bring me to da Edom land?!

Teacha 3:8

One time fo love An one time fo hate. One time fo make war An one time fo make eryting pono.

Jeremiah 49:2

But Da One In Charge tell: “Az why da time goin come Wen I goin make erybody hear Da trumpet blow fo war Agains Rabbah town, Da main town fo da Ammon guys! Rabbah goin come one big pile a dirt Cuz all da houses goin come bus up. All da towns aroun Rabbah goin burn down. Den da Israel guys goin kick out Da Ammon guys dat wen kick dem out befo time.” Dass wat Da One In Charge tell.

Jeremiah 49:3

“You Heshbon peopo, yell real loud Cuz you stay real sore inside Cuz Ai town stay all bus up! Yell, you small towns aroun Rabbah! Put on burmbag kine clotheses An cry jalike fo one funeral Fo show you stay all bum out! Cut yoa body fo make um bleed An run all ova da place Inside yoa town wall, Jalike you donno wea fo go! Az cuz da army guys dat goin come Goin make yoa god Molek dea prisona, An take away his pries guys an leada guys anodda land.

Ezekiel 21:20

Go mark one road wea da guys wit swords can take fo attack Rabbah an da Ammon peopo. Mark da odda road wea da guys wit swords can take fo attack Judah an da strong wall aroun Jerusalem.

Amos 1:14

Dass why I goin make da Rabbah town wall burn An da fire goin eat up all da palaces dat get strong wall. Goin get war an peopo yelling An fighting jalike one hurricane kine wind storm.

Zekariah 14:3

Den Da One In Charge goin go out fight dose peopos jalike he wen fight befo time.

Rules Secon Time 3:11

(Ony Og, da king fo Bashan, stay dea from da odda Refa peopo, wen he mahke. Og get one iron punee thirteen feet long an six feet wide. Dat punee still yet stay dea inside Rabbah town wea da Ammon peopo live.)

1 Samuel 18:30

Weneva da main leada guys fo da Filisha army take dea guys out fo make war, da same ting happen—David an his guys win ova dem, mo plenny den da odda leada guys fo Saul army. Dass how erybody know dat David one awesome kine guy.