2 Samuel 10:6 - Hawaii Pidgin Bible

⁶ Da Ammon peopo know dat dey wen make pilau kine to David. So dey pay da Aram king guys Syria side fo sen um army guys: da king guys from Bet-Rehob an Zobah sen um 20,000 infantry guys. From da king fo Maakah, dey get 1,000 army guys. An from Tob dey get 12,000 army guys.

2 Samuel 10:6 ပူးပေါင်းရင်းမြစ်များ

Start 34:30

Laytas, Jacob tell Simeon an Levi, “You guys! You make me come kapu da way erybody see me! Cuz a dis, da peopo dat live inside dis land, da Canaan peopo an da Periz peopo, dey goin hate me, jalike I haunas! I no mo plenny guys wit me, you know. So if dey come togedda fo fight me, dey goin bus me up fo real kine an wipe me out, me an my ohana.”

2 Samuel 10:5

Somebody tell David wat wen happen. So he sen messenja guys fo meet his guys cuz dey get plenny shame. Da king tell da messenja guys fo tell his guys, “Stay Jericho town till yoa beards grow an den come back.”

2 Samuel 10:7

Wen David find out bout dat, he sen Joab wit all da army guys fo fight um.

2 Samuel 16:21

Ahitofel tell, “Firs ting, go make sex wit yoa faddah odda kine wifes, da ones he wen leave ova hea fo take kea da palace. Wen you make sex lidis, den dass goin show to all da Israel peopo dat you wen do someting real pilau agains yoa faddah. An erybody dat stay by you goin come mo strong cuz a dis.”

2 Samuel 23:34

Elifelet, Ahasbai boy an grankid a one guy from da Maakat peopo, Eliam, Ahitofel boy from da Giloh peopo,

2 Samuel 8:12

da Edom, Moab, Ammon, Filisha, an Amalek peopo. He make spesho fo Da One In Charge, all da stuffs he wen take from Hadadezer, Rehob boy, da king fo Zobah.

2 Samuel 8:3

David attack Hadadezer, Rehob boy, da king fo da Zobah districk inside da Syria land. Befo time, Hadadezer wen take ova da land nea da Eufrates Riva too, but da peopo ova dea no like him. So Hadadezer gotta go back fo take um ova one mo time. An dass wen David guys jump um.

2 Samuel 8:5

Wen da Aram army guys from all aroun Damascus town come dea fo help Hadadezer, da king fo Zobah, David kill 22,000 a dem.

1 Kings 11:24

Wen David wipe out da Zobah army guys, Rezon go get togedda plenny guys fo go by him, an he come da leada man fo one gang dat rip off peopo. Den Rezon an his gang guys go Damascus town an live dea, an take ova Damascus.

2 Kings 7:6

Az cuz da same time da sick guys leave Samaria town, da Boss wen make da Aram army guys hear plenny noise from plenny war wagons an horses, an one big army. Da army guys tell each odda, “Eh! Da Israel king wen pay da kings fo da Het peopo an da Egypt peopo fo come attack us guys!”

Songs 48:4

Ova dea, da king guys An dea army guys come togedda. Dey go thru da land togedda Fo take ova Mount Zion.

Outa Egypt 5:21

Da luna guys tell Moses an Aaron, “Eh! Mo betta Da One In Charge check out you guys an punish you guys! You da one stay make us guys jalike us pilau, in front da Pharaoh guy an all da palace guys dat work fo him! Jalike you give dem one sword an tell um az okay fo go kill us guys!”

Smart Guys 25:8

No go quick fo take somebody in front da judge. Cuz in da end, If da guy can show proof he neva do um, Goin make you plenny shame!

Jeremiah 40:8

da army guys go by Gedaliah Mizpah side. Da officer guys was Ishmael, Netaniah boy, Johanan an Jonathan, Kareah boys, Seraiah Tankumet boy, Efay boys from Netofah, an Jezaniah, dat get one guy from Maakat fo dea faddah. Dea guys come wit um too.

Jeremiah 46:21

Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Rules Secon Time 3:14

Jair from da Manasseh ohana take ova da land inside Argob, all da way to wea da Geshur peopo an da Maakah peopo stay. Today da peopo still yet call Bashan ‘Jair Towns’.)

Local Leadas 11:3

So Jeftah run away from his half braddahs to da Tov land, an make house dea. Get some no good buckaloose guys hang out wit him an rip off stuff from peopo.

Local Leadas 11:5

da older leadas from Gilead go da Tov land fo bring back Jeftah.

Local Leadas 18:28

No mo nobody fo help dem, cuz dey live far from Sidon, an dey not frenz wit odda peopo. Dea big town stay inside one valley nea Bet-Rehob. Da Dan peopo build up da town one mo time, an dey live ova dea.

1 Samuel 13:4

So all da Israel peopo wen hear dis: “Saul wen attack da Filisha army camp, an now da Filisha guys hate us Israel guys even moa!” So Saul call his army guys fo come togedda wit him Gilgal side.

1 Samuel 27:12

Akish start fo trus David, cuz he tink, “Da way dis guy ack, he make his peopo, da Israel peopo, hate him! Az why he goin work fo me long time.”