2 Samuel 1:8 - Hawaii Pidgin Bible

⁸ “Saul aks me, ‘Who you?’ “I tell um, ‘I one Amalek guy.’

2 Samuel 1:8 ပူးပေါင်းရင်းမြစ်များ

Start 14:7

Den da king guys from aroun Babylon start fo go back home. Dey come En Mishpat, da place dey call Kadesh, an dea dey make war wit da Amalek peopo an take ova all dea land. Same ting fo da Amor peopo dat stay Hazazon Tamar side.

2 Samuel 1:13

David tell da young guy dat tell um bout Saul, “Wea you come from?” Da guy tell, “My faddah guy live inside da Israel land, but he not from hea. I one Amalek guy.”

2 Samuel 1:7

Saul turn aroun an look behind him. He spock me ova dea. He yell to me come by him. An I tell, ‘Shoots! Kay den!’

2 Samuel 1:9

“Den he tell me, ‘Go come ova hea fo kill me! Cuz I hurt real plenny, I almos mahke, but I still stay alive.’

Census 24:20

Den Balaam look wea da Amalek peopo stay. He tell dis spesho message from God: “Da Amalek peopo was numba one wit da odda nations, But bumbye dey goin come wipe out.”

1 Samuel 15:3

Now go! Go afta da Amalek peopo, an wipe um out an eryting dey get, make um all one sacrifice fo me. No let um go! Kill da guys, da wahines, da kids, da bebes, da cows, da sheeps an goats, da camels, an da donkeys!’ ”

1 Samuel 27:8

Dat time, David an his guys stay attack an rip off stuff from da Geshur peopo, da Girza peopo, an da Amalek peopo. (From long time dose peopo live inside da small towns, inside da land wea you come nea Shur town, an nea da road dat go Egypt side.)

1 Samuel 30:1

Dis wat happen den. Same time wen David dem stay come, da Amalek guys stay rip off stuffs inside da Negev Boonies an Ziklag town. Dey attack Ziklag an burn um. Dey grab da wahines an erybody dat stay ova dea, da young ones an da ol ones too. Dey no kill nobody, but make dem go wea da Amalek guys like go. Three day afta David an his guys go way from Akish, dey come Ziklag.

1 Samuel 30:13

David aks him, “Who own you? Wea you come from?” Da young guy tell, “I from Egypt. I da slave fo one Amalek guy. Da day befo yestaday, my boss leave me hea cuz I stay sick.

1 Samuel 30:17

David an his army guys attack da Amalek guys wen litto mo ready fo come light da nex morning. Dey stay fight um till afta da sun go down dat day. Ony four hundred young guys get away on top da camels. No moa no odda guys get away,