2 Samuel 1:23 - Hawaii Pidgin Bible

²³ “Saul an Jonathan, Wen dey stay alive, erybody love dem. Dey nice kine peopo. Even wen dey mahke dey stick togedda. Dey run mo fas den da eagles fly. Dey mo strong den da lions.

2 Samuel 1:23 ပူးပေါင်းရင်းမြစ်များ

2 Samuel 1:24

“You Israel wahines, Cry fo Saul. He wen give you nice clotheses, dark red. He bring gold kine jewelry fo go wit yoa clotheses.

2 Samuel 2:18

Get three guys dea wit David guys, Zeruiah three boys Joab, Abishai, an Asahel. Asahel can run real fas, jalike da kine deer dat live inside da boonies.

2 Samuel 23:20

Had Benaiah, too. His faddah, Jehoiada. Benaiah, he one good fighta. An he no sked too. Benaiah from Kabzeel town, he do big tings. He kill two a da bestes army guys from Moab. Anodda time, he da guy go down inside one deep hole wen stay snow, an kill one lion.

1 Records 12:8

Some Gad guys go ova by David inside da strong place wea nobody can attack him, dat he get inside da boonies. Dey real good army guys, an dey stay ready fo make war. Dey know how fo use da heavy shield an da spear. Dea face look jalike da lion face, an dey run fas on top da mountains, jalike da deer.

Job 9:26

Dey pass jalike da boats peopo make outa reeds. Dey go fas jalike da eagle dive down fo grab food.

Smart Guys 30:30

Da lion, from all da animals, He da mos strong one, An he no turn aroun an run away from nobody.

Love Song 5:16

Inside his mout, stay sweet! Eryting bout him, make me like take him! Eh! You young Jerusalem wahines! Dis one, da one I love, an he my fren too!

Jeremiah 4:13

“Look! Da army guys, come jalike da clouds. Dea war wagons come jalike one strong wind! Dea horses run mo fas den da eagles fly. Bummahs! Us guys goin come wipe out awready!

Sad Song 4:19

Da guys dat chase us guys run fas. Mo fas den da eagles inside da sky. Dey chase us ova da mountains. Dey wait fo jump us inside da boonies.

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.

Local Leadas 14:18

Da day numba seven, befo da sun go down, da guys inside da town tell him, “No mo notting mo sweet den da honey. No mo notting mo strong den da lion.” Samson tell um, “You guys make one deal wit my bride, Jalike you plow yoa field wit my young girl kine cow, Az how you guys know wat da riddle mean!”

1 Samuel 18:1

Afta David pau talk wit Saul, Saul boy Jonathan come tight wit David cuz dey get da same kine heart an head. He get love an aloha fo David da same way Jonathan get fo him.

1 Samuel 20:2

Jonathan tell, “Not! No way you goin mahke! Look! Wen my faddah do anyting, big o small, he erytime tell me firs. So! Fo shua, he goin tell me if he like kill you!”