2 Samuel 1:21 - Hawaii Pidgin Bible

²¹ “Da mountains Gilboa side wea Saul an Jonathan mahke, I like put kahuna on top dat place! No good dey get da dew o da rain bumbye. No good da fields grow da wheat fo da sacrifices. Ova dea, even da bestes ones fo fight, wen lose dea shield. Eh, no was olive oil dey wen put on top Saul shield, dat time, fo make um strong—was blood!

2 Samuel 1:21 ပူးပေါင်းရင်းမြစ်များ

1 Records 10:1

One time da Filisha guys wen fight da Israel peopo. Da Israel guys run away from dem, an plenny Israel guys mahke on top Mount Gilboa.

1 Records 10:8

Da nex day, wen da Filisha guys come fo rip off da mahke guys, dey see Saul an his boys, dat stay mahke on top Mount Gilboa.

Love Song 4:4

Yoa neck look jalike da towa King David wen build, Dat stay real strong. Yoa necklace jalike da tousan shields dat hang on top dea, All from da army guys dat fight.

Isaiah 21:5

Eh, you Babylon leada guys! Make da table ready fo one luau! Put down da mats! Eat an drink up! But make shua yoa shields stay ready! Cuz you goin fight, right now!

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Ezekiel 31:15

“ ‘Dis wat Da One In Charge, da Boss, tell: Dat same day da big tree fall down inside da Mahke Peopo Place, I stop da deep undagroun streams an make um moan jalike dey stay sad inside wen somebody mahke. I hold back da streams an da odda wattas dat tree drink. Cuz a dat, I make Lebanon come real bum out cuz all da fores trees come dry.

Joel 1:9

Da wheat an barley sacrifices an da drink sacrifices, No mo inside da Temple Fo Da One In Charge. Da pries guys dat work in front Da One In Charge, Dey stay sad inside, cuz

Joel 2:14

Maybe he goin turn aroun an show pity. Maybe he goin do good kine stuff fo you guys— Fo you guys make wheat an barley sacrifices an drink sacrifices Fo yoa God, Da One In Charge.

Local Leadas 5:23

Da angel messenja guy from Da One In Charge tell, ‘Put kahuna on top da Meroz peopo! No give um chance! Cuz dey no come fo help Da One In Charge agains da strong guys.’

1 Samuel 10:1

Den Samuel take some olive oil dat he get inside one small clay kine pitcha, an pour um on top Saul head, an he kiss Saul on his face. Samuel tell, “Da One In Charge wen pick you fo come da leada ova his peopo, you know.

1 Samuel 31:1

Da same time David dem leave da Filisha guys fo go Ziklag, da Filisha guys stay fight da Israel guys. Da Israel army guys run away from dem, an plenny Israel guys mahke on top Mount Gilboa.

1 Samuel 31:8

Da day afta da fight, da Filisha guys come back fo rip off stuffs from da mahke guys. Dey find Saul an his boys mahke bodies, dea on top Mount Gilboa.