2 Samuel 1:2 - Hawaii Pidgin Bible

² Day numba three, one young guy show up from da camp wea Saul army guys wen stay. Jus fo show dat he stay sad inside, his clotheses stay rip, an he get dirt on top his head. Wen he come by David, he go down on top da groun fo show David plenny respeck.

2 Samuel 1:2 ပူးပေါင်းရင်းမြစ်များ

Start 22:4

Day numba three, Abraham look, an see da place, still far yet.

Start 37:29

Laytas, Reuben come back an go by da big hole, an you know wat? No mo Joseph inside dea! Reuben come plenny sore inside. He rip his clotheses fo show he stay hurt inside.

Start 37:34

Den Jacob rip his clotheses fo show he hurt plenny inside. From den, aroun da middo he wear ony itchy kine clothes da kine dey make from goat hair, an fo long time he stay cry fo his boy.

Start 43:28

Dey tell um, “He stay good, oua faddah guy, an he like come yoa worka guy. He still stay alive.” An dey go down on top da groun one mo time fo show um respeck.

2 Samuel 1:3

David aks da guy, “Eh! From wea you come?!” Da guy tell him, “I wen stay da Israel army camp, but I run away from da Filisha army guys.”

2 Samuel 13:19

Tamar put ash on top her head, an rip da fancy kine clotheses she wear. She put her hands on top her head fo show dat she stay sad inside, an she go way yelling real loud fo help.

2 Samuel 14:4

Wen da wahine from Tekoa go talk to da king, she go down an put her face on top da groun fo show respeck fo him. She tell, “Help me, my king!”

2 Samuel 15:32

Wen David come nea da top a da Olive Ridge, wea get one place fo pray to God, get Hushai from da Ark peopo stay dea fo meet him. His clotheses stay rip fo show he sad, an he get dirt on top his head fo show he stay sad inside.

2 Samuel 24:20

Wen Araunah look down da hill an see da king an his palace guys stay coming up by him, he go outside da open place an go down in front da king an put his face on top da groun.

2 Samuel 4:10

Wen one guy Ziklag side wen tell me, ‘You know wat?! Saul stay mahke awready!’ dat guy tink dat he tell me good kine stuff. But I wen grab da guy an kill um. Az how I wen pay him fo tell dat good kine stuff!

Esther 4:16

“Go bring togedda all da Jew guys you can find inside Susa town. No eat food so you can pray fo me. No eat an no drink fo three day, day time o nite time. Me an da wahines dat work fo me, we goin do da same ting, no eat an no drink notting fo three days too, fo us pray. Afta we do dat, I goin go in front da king, no matta I stay broke da rules. An if I mahke, I mahke.”

Esther 5:1

On da day numba three, Esther put on her queen kine clotheses an go stan inside da door fo da open lanai in da middo a da palace, right across da place wea da king stay work. Da king stay sit on top his throne inside da palace, wea he can see outside da door.

Songs 66:3

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Ezekiel 27:30

Dey goin yell an cry real hard bout you Tyre peopo. Dey goin pick up dirt an throw um on top dea head, An roll on top da ashes fo show how sore dey stay inside.

Hosea 6:2

Two days, an he goin make us come strong one mo time. Day numba three he goin bring us back, So den we goin stay alive in front him!

Joel 2:13

Change how you feel inside, An no jus rip yoa clotheses Fo show you stay sad inside! Go come back to yoa God, Da One In Charge, Cuz he like do good kine tings fo you guys. He get love an pity fo you guys. He no come huhu real quick. He like stay tight wit you guys. He stay sad inside wen he gotta punish somebody.

Matthew 12:40

Jonah wen stay inside one big fish three day an three nite. Same ting, I Da Fo Real Kine Guy, an I goin stay unda da groun three day an three nite lidat.

Matthew 16:21

Jesus start fo show da guys he stay teach how he gotta go Jerusalem an suffa plenny ova dea. All da older leada guys, da Main Pries guys, an da teacha guys dat teach da Rules From God, dey da ones dat goin make Jesus suffa, an dey da ones dat goin kill him. But he goin come back alive afta three days.

Joshua 7:6

Joshua rip his clotheses, an go down an put his face on top da groun in front da Box Fo No Foget Da One In Charge. He stay dea till litto mo dark. Da older leadas fo da Israel peopo do da same ting, an throw dirt on top dea head fo show dey stay sad inside.

Jesus Show 3:9

Get peopo dat come togedda inside one church, an tell dey God peopo. But fo real, dey Satan peopo. Dey ony bulai. I goin make dem come an go down in front you guys feet. An dey goin find out dat I get love an aloha fo you guys.

1 Samuel 20:41

Afta da boy go, David stan up from da south side a da rock pile. He go down in front Jonathan three time, an put his face on top da groun. Den dey kiss each odda an cry togedda. But David, he cry mo plenny.

1 Samuel 25:23

Wen Abigail see David, she real fas get off her donkey, an go down in front him wit her face on top da dirt fo show um respeck.

1 Samuel 4:12

Had one guy from da Benjamin ohana dat run away from da war, an he go back Shiloh town dat same day. His clotheses all bus up, an he get dirt on top his head fo show he stay sad inside.

1 Samuel 4:16

Da guy tell Eli, “I da one jus come from da war. I wen run away from dea today!” Eli aks, “Brah! Wat happen?”