2 Samuel 1:19 - Hawaii Pidgin Bible

¹⁹ “Bummahs! Da mos awesome one From all da Israel peopo Stay mahke ova dea, on top da hills! Sad, cuz yoa bestes guys fo fight, Dey fall down, mahke awready!

2 Samuel 1:19 ပူးပေါင်းရင်းမြစ်များ

2 Samuel 1:23

“Saul an Jonathan, Wen dey stay alive, erybody love dem. Dey nice kine peopo. Even wen dey mahke dey stick togedda. Dey run mo fas den da eagles fly. Dey mo strong den da lions.

2 Samuel 1:25

“Sad, cuz yoa bestes guys fo fight, Dey fall down mahke wen dey fight! “Jonathan, he lay dea mahke on top da hills.

2 Samuel 1:27

“Sad, how da bestes guys fo fight, Fall down mahke awready! Da tings dey use fo fight, Gone awready!”

Isaiah 4:2

Dat time, goin get one guy, Da One In Charge goin give him da right fo be king, Cuz he jalike one new branch Dat Da One In Charge make come out from da king ohana. Dat guy goin be real good looking an stay awesome. Erybody goin know bout da stuff dat grow on top da land, Dat goin come real awesome too, An da Israel peopo dat still yet stay alive dat time Goin feel real good inside bout all dat, An all da odda peopo goin get respeck fo dem.

Isaiah 53:2

Da guy dat work fo Da One In Charge, He wen grow up in front Da One In Charge, Jalike one young plant grow from one root From da groun wea no mo watta. He not good looking, An he no look jalike one king. Us no see notting Fo make us like come his peopo.

Sad Song 2:1

Da Boss come huhu wit da Jerusalem peopo. He stay cova dem jalike wit one cloud! Da Israel peopo was awesome jalike da sky, But jalike he wen throw um down all da way to da groun. Wen he come huhu wit dem, He no even proteck his Temple.

Sad Song 5:16

Da lei fall off oua head, cuz we wen come all bum out! Bummahs fo us guys! Us wen do bad kine stuff!

Zekariah 11:10

Den I take da stick fo walk dat I call “I like um,” an broke um. Dat show dat da deal I wen make wit all da peopos no stay good no moa.

Zekariah 11:7

So me, Zekariah, I take kea da sheeps dey goin kill fo eat, fo help even da sheeps dat get trouble. Den I take two sticks fo walk, da kine da sheep guys use. I call one stick “I like um,” an call da odda stick “Come togedda.” Dass how I take kea da sheeps.

1 Samuel 31:8

Da day afta da fight, da Filisha guys come back fo rip off stuffs from da mahke guys. Dey find Saul an his boys mahke bodies, dea on top Mount Gilboa.