2 Records 9:7 - Hawaii Pidgin Bible

⁷ Fo shua, yoa helpa guys can stay real good inside! Fo shua, dese palace guys can stay real good inside, cuz dey stay stan in front you fo dem hear da stuff you tell cuz you know wat fo do erytime!

2 Records 9:7 ပူးပေါင်းရင်းမြစ်များ

1 Kings 10:8

Fo shua, yoa guys stay good inside! Yoa helpa guys dat stan in front you all da time an hear wat you know how fo do erytime—dey all can stay good inside!

2 Records 9:6

But I neva tink az me stay fo real, till I come hea an me see um. Fo shua, nobody even tell me half da stuff dat you know wat fo do. Eryting I stay see now, az plenny mo den wat I wen hear.

2 Records 9:8

I like talk good bout yoa God, Da One In Charge, cuz he stay good inside bout you. He wen put you on top his throne fo be da king fo him, yoa God, Da One In Charge. Cuz he get plenny love an aloha fo da Israel peopo, an he like make dem strong foeva. Az why he make you da king ova dem, fo you judge dem da right way an do da right tings fo dem.”

Songs 27:4

Ony get one ting I like tell Da One In Charge fo do fo me. Dass da ony ting I stay wait fo: I like stay inside Da One In Charge house Till I mahke! I like hang out inside his Temple an feel good inside dea Fo see how Da One In Charge all da time make good to peopo!

Smart Guys 10:21

Da peopo dat stay do wass right, Wat dey tell, az jalike food fo da inside fo plenny peopo. Da stupid head kine peopo wit attitude, Dey goin get cut off from God foeva, Cuz dey no tink strait.

Smart Guys 13:20

Hang out wit smart kine guys, You come smart jalike dem. But if you good frenz wit stupid peopo, You goin come jalike dem, an suffa.

Smart Guys 3:14

Wen you know wat fo do, Az mo betta den plenny silva! Wen you undastan stuff, Dat goin give you someting mo betta den plenny gold!

Smart Guys 3:3

Make shua you stay tight wit yoa good frenz An show love an aloha erytime. Make shua peopo can trus you. You make lidat all da time, Dat make you look good, Jalike wen you put on one jewelry on yoa neck. Learn da Rules from God real good, Fo you no foget um an you keep um inside you. Cuz inside, az jalike one book An you stay write inside um.

Smart Guys 8:34

Whoeva lissen me all da time, An come in front my door wait fo lissen ery day, An come stay by da door, Wea dey can spock me wen I come outside, Dey can stay good inside!

Luke 11:28

But Jesus tell, “Da peopo dat hear wat God tell um fo do, an do um, dey da ones dat stay real good inside!”

Rules Secon Time 33:9

Dat time, da Levi guys neva make diffren kine Even to dea faddah an muddah guys. Dey neva even let go dea braddahs, O even dea kids. Cuz dey make shua fo do wat you tell, Da One In Charge, An dey watch ova da deal you wen make wit da peopo.