2 Records 6:41 - Hawaii Pidgin Bible

⁴¹ “An now, you oua God, Da One In Charge! Stan up! Go come inside dis place fo you res, You an da Box Fo No Foget Da Deal Dat show how strong you stay! An oua God, Da One In Charge, I like fo yoa pries guys Know fo shua you get peopo outa trouble. I like fo da peopo dat stay tight wit you Dance an sing cuz you good!

2 Records 6:41 ပူးပေါင်းရင်းမြစ်များ

1 Records 28:2

King David stan up an tell, “Lissen to me, my braddahs an my peopo! I wen like build one house fo da Box Fo No Foget Da Deal Wit Da One In Charge res inside um, cuz az jalike wea oua God get his throne. An I wen make eryting ready fo build um.

Nehemiah 9:25

Dey take ova towns dat get strong wall, An da bestes kine lands. Dey take ova plenny houses Dat stay full wit all kine good stuff. Dey take ova da holes da odda peopos wen dig Fo keep watta inside, An grape farms, an olive farms, An trees wit fruits fo eat. So oua peopo wen eat plenny an come full, An even start fo come fat. Dey party up cuz dey feel real good Bout all da good tings you do fo dem.

Songs 110:2

Da One In Charge stay On top Mount Zion, Jerusalem side, An he goin make you strong Fo be da king ova mo an mo peopo. No matta get peopo all aroun you Dat stay agains you, You da one goin be in charge.

Songs 132:16

I even goin make Da spesho kine clotheses Da pries guys wear, Fo make erybody no foget Dat I wen get um outa trouble. Da peopo ova dea Dat stay spesho fo God Goin sing plenny, Cuz dey stay real good inside.

Songs 65:11

You make da bestes time in da year Wen you give all kine good tings To us guys fo eat, Jalike you put one nice lei On top oua head! Ery place you go, Get ony da bestes kine stuff all ova dea.

Songs 65:4

Anybody you pick an bring um nea you Fo dem make house Nex to yoa Temple, Dey can stay good inside. Az fo shua! Az good, us come yoa house, Da place dat stay spesho fo you— Us no goin need notting moa.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Isaiah 61:3

Da One In Charge sen me fo help da peopo Mount Zion side Dat stay sad inside. He tell me fo give dem One nice haku lei fo put on top dea head, An take away da ashes. An make dem stay feel good inside wit perfume Fo dem no stay sad inside no moa. He sen me fo give um one nice robe fo wear Dat make erybody like tell, “Da One In Charge, da greates!” So dea spirit no feel jalike dey lose fight no moa. Dey goin show dat Da One In Charge make dem get um right wit him, Jalike dey strong oak trees dat Da One In Charge wen plant Fo show how awesome he stay.

Isaiah 61:6

But you guys, peopo goin call you “Prieses fo Da One In Charge.” Dey goin call you guys “Helpa guys fo oua God.” You guys goin get plenny food From da odda countries, An talk big cuz a da awesome tings dey get An you goin get um too.

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Zekariah 9:17

Da peopo a Da One In Charge, Dey goin be good looking an beautiful! Da wheat an barley goin make da young guys strong. An da new wine goin make da young wahines beautiful.

Rome 1:16

I no shame notting bout da Good Kine Stuff From God. Dat stuff get plenny powa from God fo get peopo outa da bad kine stuff dey stay do, wen dey trus him. Was da Jew guys dat wen find out bout um firs, an afta dem, all da odda peopos from diffren places find out bout him too.

Rome 13:14

But you know wat? Mo betta you change inside an come jalike Da One In Charge a us guys, dass Jesus Christ, da Spesho Guy God Wen Sen! An no even tink fo do wat da bad kine stuff inside you tell you fo do!

Galatia 3:27

All you guys dat get baptize fo stay tight wit Christ an come his guys, now you goin come jalike him.

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

Philippi 4:4

Kay den. You guys stay tight wit Da One In Charge. Cuz a dat, stay good inside erytime, no matta wat happen! I like tell dis one mo time: Eh! Stay good inside!

Joshua 3:13

Da pries guys dat carry Da Box Fo Da One In Charge, da Boss fo da whole world, goin go stan inside da Jordan Riva watta. Wen dey do dat, da watta dat stay come down da riva goin stop! Da watta goin stay dea an pile up!”

Jesus Show 19:14

All da army guys inside da sky stay go wit him. Dey stay ride on top white horses, an dey wear da fancy linen kine clotheses dat stay white an clean.

Jesus Show 19:8

God give da bride fancy linen kine clotheses fo wear, dat stay white an clean. (Da kine white an clean linen clotheses mean, all da good an right tings dat da peopo dat stay spesho fo God do.)