2 Records 6:40 - Hawaii Pidgin Bible

⁴⁰ “Now, my God, I like you open yoa eyes, an lissen good wit yoa ears, wat us guys pray inside dis place.

2 Records 6:40 ပူးပေါင်းရင်းမြစ်များ

1 Kings 8:52

“So den, no foget us guys! Me, I jalike yoa slave guy, An dis Israel peopo, dey yoa peopo too, An me an all yoa peopo stay beg you Fo lissen, Erytime dey call you fo help dem.

1 Kings 9:3

Da One In Charge tell Solomon, “I wen hear wat you pray. I wen lissen wen you come in front me an beg me fo help you. Da Temple you wen build, I make um spesho fo me awready. I give da place my name foeva, cuz az da place wea can find out wat kine god me. An I goin watch dat place real good, an tink plenny bout um all da time.

2 Kings 19:16

You Da One In Charge! Lissen real good! Open yoa eyes, an look! Lissen wat Sennakerib wen tell me. He stay talk bad bout you, da God Dat Stay Alive!

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

2 Records 6:20

I like you watch dis Temple day time an nite time, dis place wea you wen tell dat you goin put yoa name dea. I like you lissen wat me, yoa worka guy, like you fo do, cuz I tink bout dis place.

2 Records 6:39

If dey do dat, den I like you lissen from da sky wea you stay an hear wat dey pray, an how dey aks you fo make good to dem. I like you make shua da right ting goin happen fo dem. An let go yoa peopo an hemo dea shame, cuz dey wen do bad kine stuff agains you.

2 Records 7:15

From now, my eyes goin stay open. I goin lissen good wen da peopo pray inside dis place.

Nehemiah 1:11

Eh! You my boss, so I stay praying hard fo you fo lissen good. Get odda peopo, you da boss fo dem too, an dey stay good inside cuz dey know wat kine god you, no matta dey sked wen dey in front you. Dey stay tell you da same ting. So I like you make eryting come good fo me today. Cuz I goin aks da King fo do someting real good fo me. Az why I stay aks you, God, fo make him lissen wat I get fo tell.” Dat time, I was da guy in charge a da wine da king goin drink.

Nehemiah 1:6

Try look down hea. I stay pray day time an nite time fo you help yoa peopo, da Israel peopo. I stay tell you fo real kine, us Israel peopo wen do plenny bad kine tings agains you. Me an all my ohana peopo, us do bad kine tings!

Songs 116:2

Cuz Da One In Charge lissen real good, All my life, I goin yell to him Fo help me!

Songs 13:3

Eh! You Da One In Charge! You my God! Try look wass happening, an do someting fo me! Make me come strong one mo time, Cuz no good I jus mahke!

Songs 130:2

You da boss fo me, So lissen wat I stay tell! Try lissen real good Cuz I beg you fo help me!

Songs 17:1

Eh! You Da One In Charge! I stay tell you Fo do da right ting fo me, so try lissen! I stay yell to you fo help me, So try lissen real good! I stay pray to you, An I no bulai notting.

Songs 31:2

Come close an lissen me. Get me outa trouble! Fas kine! Be jalike one big rock fo proteck me. Be jalike one strong wall fo me Inside da mountains Dat no let nobody come agains me Fo kill me.

Songs 34:15

Da One In Charge, he keep track A da peopo dat erytime do wass right Fo take kea dem. He lissen dem Wen dey yell to him.

Songs 7:3

Eh! You Da One In Charge! You my God! If fo real I wen go do dis— If I wen do dis bad kine stuff,

Songs 88:1

Da One In Charge, you da God Dat get me outa trouble. Day an nite time I yell fo help In front you,

Isaiah 37:17

Lissen real good, Da One In Charge! Open yoa eyes an look! Hear all da stuff Sennakerib wen tell fo talk bad bout you, da God Dat Stay Alive Fo Real Kine!