2 Records 6:14 - Hawaii Pidgin Bible

¹⁴ He tell: “Eh! You Da One In Charge, da God fo da Israel peopo! No mo anodda God jalike you inside da sky o on top da earth. You stay do wat da deal tell dat you wen make wit yoa worka guys. You stay tight wit dem, wen dey live in front you an go all out fo you.

2 Records 6:14 ပူးပေါင်းရင်းမြစ်များ

Start 17:1

Laytas, wen Abram 99 year ol awready, Da One In Charge let Abram see him. He tell um, “Me, I Da God Dat Get All Da Powa. So, live da way I tell you fo live, an no do notting dat goin make shame.

Start 33:20

Jacob put up one altar dat place, an he call um El-Elohe-Yisrael, dat mean “God, he da God fo Israel,” dea language.

Start 35:10

He tell Jacob, “You, yoa name Jacob, But from now, yoa name no goin be Jacob. Yoa name Israel now.” Dass how God give Jacob da name Israel, “Fight Wit God.”

Start 5:24

He stay tight wit God wateva he do, an den, Enok disappea, cuz God take um away.

2 Samuel 7:22

“You da One In Charge a me, fo shua, an you stay real importan! No mo nobody stay jalike you, an no mo any odda God, ony you! All da tings us guys wen hear awready, stay true!

1 Kings 18:36

Wen time fo make da sacrifice, Elijah da guy dat talk fo God go by da altar an pray lidis: “Da One In Charge, you da God fo Abraham an Isaac an Israel. Today, I like erybody know, dat you da God fo da Israel peopo, an you da boss fo me. An all dese tings I do, I do um cuz dass wat you tell me fo do.

1 Kings 3:6

Solomon tell, “You wen do plenny fo my faddah King David, dat wen work fo you. You wen stay real tight wit David, cuz you know da way he live, an you know you can trus um, how he stay do da right ting erytime. David get one clean an good heart, jus how you like. An you wen stay tight wit him, cuz you wen give King David one boy fo sit on top his throne, an dass me.

1 Kings 6:12

“I like tell you someting bout dis Temple you building: If you stay live da way I tell you fo live, an do eryting da right way, an do eryting I tell you fo do, den fo you, I goin make happen da ting I wen make one promise to yoa faddah David fo do.

1 Kings 8:23

He tell God dis: “Eh! You Da One In Charge! You da God fo us Israel peopo! No mo anodda god dat stay like you. Not inside da sky up dea, Not on top da earth down hea. You do jalike you wen make one deal wit oua peopo fo do. You stay tight wit us guys dat stay work fo you, An dat stay live in front you wit one good heart.

1 Records 29:10

David tell Da One In Charge “Mahalo” in front all da peopo dat come togedda dea, cuz Da One In Charge stay do good tings fo dem. David tell, “Eh! You Da One In Charge! Mahalo, cuz you do good tings fo us guys! You da God fo oua ancesta guy Israel. You stay from befo time an foeva.

1 Records 29:20

Den David tell all da peopo, “Tell yoa God, Da One In Charge, ‘Mahalo plenny!’ Cuz he do good tings fo you guys!” So all da peopo dat come togedda dea, tell “Mahalo!” to Da One In Charge, da God dea ancesta guys wen pray to, cuz he do good tings fo dem. An dey go down an put dea face on top da groun fo show love an respeck fo Da One In Charge an da king.

2 Records 20:6

He tell: “You Da One In Charge, you da God fo oua ancesta guys. Fo shua you da God dat tell us wat fo do from inside da sky. You da One in charge a da kings ova all da peopos. You strong an get plenny powa fo fight. No mo nobody can stan up agains you.

2 Records 6:17

An now, Da One In Charge, da God fo da Israel peopo, I like fo da ting you wen promise yoa worka guy David fo do, happen.

Nehemiah 1:5

Dis wat I tell: “You Da One In Charge, you da God dat live inside da sky! You da big an awesome God. You wen make one deal fo da peopo dat get love an aloha fo you, da ones dat stay do wat you tell um fo do. An you stay tight wit yoa peopo cuz you wen make dat deal wit dem.

Songs 86:8

You my Boss! No mo one mo God like you, From all da gods Dat da odda peopos pray to! No mo one mo god like you, Dat do da kine tings you do.

Songs 89:28

I goin stay tight wit David foeva. Da deal I make wit him goin las foeva.

Songs 89:6

Da One In Charge, no mo nobody Inside da sky dat stay like you! Even from da good spirits inside da sky, No mo nobody stay like you.

Songs 89:8

Eh! You Da One In Charge, You da God Ova All Da Armies. No mo anodda god Dass strong jalike you! Erybody know fo trus you bout eryting Cuz you erytime do Wat you tell you goin do.

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Outa Egypt 3:15

God tell Moses fo tell da Israel peopo: “Da One In Charge, he da same God dat yoa ancesta guys wen pray to. He da God fo Abraham, fo Isaac, an fo Jacob. Was him wen sen me by you guys. “An no foget, Da One In Charge, Dass my name foeva! Dass how you goin teach yoa kids Fo no foget who me, An same ting fo dea kids, foeva!

Outa Egypt 8:6

So Aaron put out his hand ova all da watta inside Egypt. Da frogs come up. Dey cova all da groun inside Egypt.

Jeremiah 10:16

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Da One In Charge, he Da God Ova All Da Armies, Az wat kine god him!

Jeremiah 10:6

Da One In Charge, no mo nobody stay jalike you. You da bestes! Wen peopo know wat kine god you, Dey know you strong an can do awesome kine stuff!

Daniel 9:4

I tell my God, Da One In Charge, I know wat oua peopo wen do wass wrong. Dis how I pray: “Bummahs, Boss, you da big God! You awesome an unreal! Wen you make one deal, you do eryting you wen tell you goin do. You stay tight wit da peopo dat get love an aloha fo you an dey lissen wat you tell um fo do.

Luke 1:50

He give da peopo chance Dat show respeck fo him, From da granfaddas to da grankids.

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

Luke 1:72

He tell he goin give oua ancesta guys chance, An he no goin foget da spesho deal he wen make wit dem.

Rules Secon Time 3:24

‘You Da One In Charge! You da Boss, an I yoa worka guy. You wen start fo show me how big an how strong you stay. No mo any odda god inside da sky o on top da earth dat can do stuff jalike da awesome kine tings you do.

Rules Secon Time 4:39

“Today you gotta know dis, an tink bout um plenny—dat Da One In Charge, da God inside da sky up dea, an he da God fo da earth down hea too! No mo anodda God!

Rules Secon Time 7:9

Az why you guys gotta know dat yoa God, Da One In Charge, he da God dass fo real! He da God you can trus um fo do wat he tell he goin do. He make good da deal he wen make, an he stay tight wit da peopo dat get love an aloha fo him an do wat he tell dem fo do fo mo den tousan generation.

1 Tessalonika 2:12

We wen give you guys good kine words, an kokua you guys, an tell you guys fo do good cuz you God peopo. God, he da King, an he awesome, an he tell you guys fo come be his peopo.