2 Records 6:11 - Hawaii Pidgin Bible

¹¹ An I put inside um da Box Fo No Foget Da Deal dat Da One In Charge wen make wit da Israel peopo.”

2 Records 6:11 ပူးပေါင်းရင်းမြစ်များ

1 Kings 8:21

Inside dea, I wen make one spesho place fo put Da Box Fo No Foget Da Deal Wit Da One In Charge, da same deal Da One In Charge wen make wit oua ancesta guys, da time he bring um outa da Egypt land.”

1 Kings 8:9

Inside da box, ony had da two flat stone dat Moses wen put inside dea wen da Israel peopo stay Mount Sinai afta dey come outa da Egypt land, wen Da One In Charge make da deal wit da Israel peopo.

2 Records 5:10

Da ony ting inside da Box was da two flat stones dat Moses put inside um Mount Sinai side. Az Horeb, da place wea Da One In Charge wen make da deal wit da Israel peopo afta dey come outa Egypt.

2 Records 5:7

Den da pries guys bring da Box Fo No Foget Da Deal Wit Da One In Charge, an put um wea suppose to stay, inside da Temple room dat stay real real spesho fo God, da mos inside room fo da Temple. Dey put um unda da wings a da statues dat look jalike da tings dat stay alive an go ery place God go.

2 Records 6:10

“So, Da One In Charge do wat he wen promise fo do. I wen come da king ova da Israel peopo afta my faddah David, an now I sit on top da throne fo da Israel peopo, jalike Da One In Charge wen promise. An I wen build da Temple fo show wat kine god Da One In Charge, da God fo da Israel peopo.

2 Records 6:12

Solomon get one bronze stage seven an one half feet long, seven an one half feet wide, an four an one half feet high. He wen tell his guys fo make um an put um inside da middo a da outside open lanai aroun da Temple, in front da altar fo Da One In Charge. So afta Solomon tell bout how he wen put da Box inside da Temple Fo Da One In Charge, he stan on top da stage, in front all da Israel peopo, an spread out his hands fo pray. Den he go down on his knees in front all da Israel peopo, an spread out his hands to da sky fo pray.

Songs 50:5

Tell all da ones dat stay tight wit me Fo come togedda by me, Da ones dat wen make one sacrifice Fo make one spesho deal wit me!”

Outa Egypt 40:20

Den Moses take da two piece flat stone dat God wen write da Deal on top dem, an put um inside da Box Fo No Foget Da Deal Wit God. He put da poles inside da rings on top da Box, an put da cova on top wea da pries put da blood fo make da peopo come pono wit God one mo time.

Hebrews 9:4

An had one altar dea wit gold all ova, jus outside da curtain, fo burn incense. An had da Box Fo Help Da Peopo No Foget Da Deal Dey Get Wit God. Had gold all ova. Inside da Box had one gold pot wit da manna kine food inside. An had Aaron stick fo walk dat one time grow leaf on top. Plus, had da flat kine stones wea God wen write down da firs deal he wen make.