2 Records 32:4 - Hawaii Pidgin Bible

⁴ Plenny guys come an dey make all da watta stop from all da pukas aroun dea. Same ting fo da stream dat go thru da districk. Dey tell, “No good we let da Assyria king guys come an find plenny watta!”

2 Records 32:4 ပူးပေါင်းရင်းမြစ်များ

1 Kings 19:21

Den Elisha leave Elijah an go home. He take da two cow an kill um fo make one sacrifice. Da wood pieces from da plow, he burn um fo cook da sacrifice meat. He give da meat to da peopo, an dey eat um. Den Elisha leave home fo go wit Elijah an be his helpa guy.

1 Kings 3:9

You know, I yoa worka guy. So try give me one good heart fo lissen an undastan wat stay happen, fo me be da right kine judge fo yoa peopo. Help me fo undastan wass good an wass bad. Cuz no mo nobody hea, fo be da judge fo yoa awesome peopo!”

2 Kings 18:13

Wen Hezekiah stay king fo fourteen year, da Assyria king Sennakerib attack all da big towns wea da Judah peopo make strong wall, an take ova dem.

2 Kings 18:9

Wen Hezekiah stay king four year, an Hoshea, Elah boy, stay da Israel king fo seven year, Shalmaneser, da Assyria king, bring his army guys up fo attack Samaria town. He put his army guys all aroun da town fo nobody go inside o come outside.

2 Kings 19:17

“You Da One In Charge, an fo shua az true, dat da Assyria kings wen bus up all dose peopos an dea lands, dat da Assyria king talk bout!

2 Kings 20:20

All da odda stuff dat Hezekiah do, an how he make da watta place an da tunnel dey use fo bring watta inside da big town, all dat stay inside da Record Book Fo Da Israel Kings.

2 Records 30:14

Dey take out da altars fo da idol kine gods from inside Jerusalem, an da incense altars. Dey dump um all inside da Kidron Gulch.

2 Records 32:1

Afta King Hezekiah wen do all dese tings God wen trus um fo do, Sennakerib da Assyria king come inside da Judah land. He tell his army guys make camp all aroun da big towns dat get strong wall. He figga he goin broke down dea wall an take um ova.

2 Records 32:3

Az why Hezekiah talk wit his town an army leada guys bout how fo make da watta stop from da pukas fo watta outside Jerusalem. His guys like help him.

2 Records 32:30

Hezekiah, he da guy wen block da place wea da watta go makai from da Kidron Stream. His guys dig one tunnel from da mauka Gihon puka. Az how he bring da watta down inside da west side a da David town part a Jerusalem. Wateva he try do, eryting go good fo him.

Isaiah 10:8

Da Assyria king tell: “Eh, oua army general guys, All a dem, dey king guys too!

Isaiah 22:11

You guys goin build one new watta place Inside da town walls Fo nobody take da watta From da ol watta place. “But you guys neva even tink bout Da One In Charge, Da One dat wen make all dis happen, Cuz he wen plan um from long time befo time.

Isaiah 22:9

But you guys goin see dat get plenny place Wea da wall stay bus up awready All aroun Jerusalem, King David big town. You guys goin keep watta Inside da makai watta place.

Nahum 3:14

Bring watta, cuz dey goin put army guys all aroun you guys! Make ready fo fight! Fix da walls an make um strong Wit clay, mud, an bricks!