2 Records 32:21 - Hawaii Pidgin Bible

²¹ Az why Da One In Charge sen one angel messenja guy. He wipe out all da Assyria army guys, da officer guys, an da army leada guys inside da camp fo da Assyria king. Az why Sennakerib go back his land an lose face an come plenny shame. An wen he go inside da temple fo his god, some a his boys kill him dea wit dea swords.

2 Records 32:21 ပူးပေါင်းရင်းမြစ်များ

2 Samuel 24:16

But wen da killa angel stay ready fo wipe out Jerusalem, Da One In Charge pity da Jerusalem peopo an change his mind cuz he awready punish da Israel peopo plenny. He tell da angel guy dat stay kill da peopo, “Nuff awready! No kill no moa!” Da angel dat Da One In Charge wen sen stay right den an dea by da open place wea Araunah from Jebus split da junk kine stuff from da wheat.

2 Kings 19:20

Den Isaiah, Amoz boy, sen one message fo Hezekiah. He tell: “Dis wat Da One In Charge, da God fo da Israel peopo, tell: I hear wat you tell me wen you pray, bout Sennakerib da Assyria king.

2 Records 32:20

King Hezekiah an Isaiah, Amoz boy, da guy dat talk fo God, dey pray to Da One In Charge bout dis an call out to him inside da sky fo help dem.

2 Records 32:22

Dass how Da One In Charge get Hezekiah an da Jerusalem peopo outa trouble from Sennakerib da Assyria king, an from all da oddas. Da One In Charge take kea dem all ova da land.

Job 9:4

God know wat fo do erytime, mo den erybody. He get mo powa den anybody. Nobody can go agains him an come out okay!

Songs 132:18

I goin make shua, wen you tink bout Da peopo dat stay agains my king, You ony goin rememba Dat I put plenny shame on dem. But da crown on top da king head Goin shine so you no foget How awesome him!”

Songs 18:50

Me, I da king dat stay work fo you, An you make me win da war plenny times. You wen pick me An put oil on top my head fo show dat. An you goin stay tight wit me foeva, Tight wit me, King David, An wit all da odda king guys dat goin come from me.

Songs 44:15

All da time, I ony can tink Bout how I no mo respeck, An how I lose face in front erybody,

Songs 76:12

He no let dea leada guys feel proud, An he make king guys All ova da world stay sked a him.

Songs 76:5

Had hard head peopo Dat come agains us, But us guys wen take away All da tings dey get fo fight, An now, dey look Jalike dey sleeping— But dey mahke fo real kine! Not even one a dea strong army guys Can use dea hands fo hurt us.

Songs 76:6

Wen you scold dem, Da horses an da guys dat ride um Fall down an pass out, Cuz you da same God Oua ancesta Jacob wen pray to.

Songs 76:7

But you, God, Dey betta come sked a you! No mo nobody can go agains you Wen you had it wit wat dey stay do!

Smart Guys 11:2

You go ack jalike you mo smart den God, You goin come all shame. But if you no tink you mo betta den erybody, Den you can learn wass good fo do.

Smart Guys 16:18

You ack big head, Den, you goin come wipe out. You tink high makamaka kine, Den, you goin fall down.

Isaiah 10:8

Da Assyria king tell: “Eh, oua army general guys, All a dem, dey king guys too!

Isaiah 14:25

Wen da Assyria guys come inside my land, I goin smash um An step all ova um On top my mountain. Dey goin try fo put da yoke on top dem, But no goin stay. Dey goin try fo make my peopo carry one heavy load on top dea back, But I goin take da load off from dea.”

Isaiah 36:9

How you guys tink you goin make even one small kine officer from my boss army guys turn aroun an go home, no matta you guys trus da Egypt guys fo give you war wagons an guys fo ride on top da horses?!

Isaiah 37:21

Den Isaiah, Amoz boy, sen dis letta to Hezekiah: “Dis da ting Da One In Charge, da God fo da Israel peopo, tell me: Cuz you wen pray to me bout Sennakerib, da Assyria king,

Isaiah 42:8

“Me, Da One In Charge. Dass my name—‘Da One Dat Stay’! I no goin let nobody tink Dey awesome jalike me. I no goin let da peopo tell good kine stuff Bout da idol kine gods Jalike dey tell bout me.

Jeremiah 21:2

Dey tell um, “Try find out fo us guys from Da One In Charge, wass goin happen now. Cuz Nebukadnezzar, da king fo Babylon, stay make war wit us guys. Maybe Da One In Charge goin do someting fo help us guys, jalike da awesome kine stuff he wen do befo time. We like see Nebukadnezzar go home an no make trouble fo us guys!”

Daniel 3:28

Den King Nebukadnezzar tell, “Erybody gotta tell good tings bout da God dat Shadrak, Meshak, an Abednego pray to. Dat God wen sen his angel messenja guy fo get his worka guys outa da real hot oven fire place. Dey trus dea god, no matta dey go agains wat I tell dem fo do. Dey no sked mahke, an dey no goin work fo anodda god o go down in front anodda god. Dey like ony work fo an go down in front dea own god.

Daniel 6:22

My God wen sen his angel messenja guy fo make da lions no bite me. Dey no touch me notting, cuz God see me dat I neva do notting wrong. An I neva do notting wrong to you too, King Darius.”

Jesus Guys 12:23

But King Herod neva tell notting. So right den an dea, cuz Herod no talk good bout God an tell um “Mahalo plenny!” one angel guy from Da One In Charge wack him, an he get worms dat eat up his inside an he mahke.