2 Records 31:2 - Hawaii Pidgin Bible

² Hezekiah pick da pries an Levi guys by dea blood lines. He tell who gotta do da diffren Temple kine jobs an wat days all dem gotta work. Dea jobs, fo make da burn up kine sacrifices, an da sacrifices fo show dat da peopo an God stay good wit each odda, an do odda kine work, an tell God “Mahalo plenny!” an sing dat Da One In Charge stay good, an be da security guard guys fo da place wea Da One In Charge make camp.

2 Records 31:2 ပူးပေါင်းရင်းမြစ်များ

1 Records 16:37

Den David go way from Asaf an his helpa guys dea in front da Box Fo No Foget Da Deal Wit Da One In Charge, cuz dass dea kuleana foeva, wateva need do ery day.

1 Records 24:1

Dis how dey split da Aaron ohana guys: Aaron boys was Nadab, Abihu, Eleazar, an Itamar.

1 Records 24:24

Uzziel boy: Micah. Micah boy: Shamir.

1 Records 25:25

Numba eighteen pick Hanani: his boys an his braddahs, 12 guys.

1 Records 26:26

Shelomit an his ohana stay in charge a all da rich kine stuff dat King David wen make spesho fo God. Dey stay in charge too a da presents dat da main guys from da army leada ohanas bring fo Da One In Charge—officer guys fo one tousan guys an fo one hundred guys, an odda main leadas fo da army.

2 Records 23:8

Da Levi guys an all da guys from Judah do eryting Jehoiada da pries guy wen tell um fo do. Ery officer take dea guys, da ones dat start fo work on da Res Day an da guys dat pau work, cuz Jehoiada da pries guy no let da teams go home yet.

2 Records 24:14

Wen all da work pau, dey bring da res a da silva by da king an Jehoiada. Da worka guys use dat fo make odda tings fo use inside da Temple Fo Da One In Charge: tings fo use wen dey make one religious kine ceremony, an fo make burn up kine sacrifices, an pans, an gold an silva kine dishes. All da time Jehoiada stay alive, dey erytime make da burn up kine sacrifices inside da Temple Fo Da One In Charge.

2 Records 31:17

Dey give da presents from da peopo to da pries guys dat stay get dea name inside da records dat show who dea ancesta guys. An dey give um to da Levi guys twenny year ol o moa, dat get kuleana fo wateva work team dey on, jalike dea blood line records tell.

2 Records 35:2

Dis how dey do um: Josiah give all da pries guys dea kuleana, an give dem good kine words fo do dea work inside da Temple Fo Da One In Charge.

2 Records 5:11

Den da pries guys come outside from da Place Dat Stay Spesho Fo God. Befo dey start, all da pries guys dat stay dea wen make da ceremony fo dem come spesho fo God, no matta how dey split fo work.

2 Records 8:14

Jalike Solomon faddah David wen figga, Solomon pick da teams a pries guys fo do dea jobs. He pick da teams a Levi guys fo dea kuleana—fo lead da peopo fo tell good tings bout Da One In Charge, an fo work wit da pries guys ery day fo do da tings da pries guys gotta do. He pick da teams a security guard guys fo watch ery gate, cuz az wat David, da guy dat stay tight wit God, wen tell um fo do.

Ezra 6:18

Den dey make da teams fo da pries guys work togedda inside da Temple Fo God Jerusalem side, an same ting fo da Levi ohana peopo dat help da prieses. Dey do um jalike da Rules tell um fo do, eryting dat Moses wen write down fo dem inside his book.

Nehemiah 11:17

Mattaniah, Mika boy, wit ancestas Zabdi an Asaf, was da leada dat help da peopo start fo tell God “Mahalo plenny!” an pray to God, an His helpa guy was Bakbukiah, an had Abda Shammua too wit ancestas Galal an Jedutun.

Songs 134:1

Tell Da One In Charge dat he good, Cuz he stay do good tings Fo all you guys dat work Fo him nite time Inside da Temple Fo Da One In Charge!

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

Luke 1:5

Wen Herod stay king fo Judea, had one pries guy name Zekariah. He work wit da Abijah pries hui. Elizabet, she his wife. She come from da Aaron pries ohana.

Luke 1:8

An dis wat happen. Zekariah go in front God inside da Temple fo do da pries kine job wit his pries hui.