2 Records 30:2 - Hawaii Pidgin Bible

² Da king an his leada guys, an all da peopo inside Jerusalem, make plan fo do um da month numba two.

2 Records 30:2 ပူးပေါင်းရင်းမြစ်များ

2 Kings 23:22

From long time befo time wen da local leada guys lead da Israel peopo, an from da time da Israel an Judah kings stay, neva get Passova religious kine ceremony jalike da one dey make dat time.

2 Records 1:2

Den Solomon talk to all da Israel peopo: da guys dat stay in charge a one tousan an one hundred army guys, da judge guys, all da leada guys inside Israel, an da main guys fo da ohanas.

2 Records 30:1

Hezekiah sen messenjas to da Israel peopo an da Judah peopo, an he sen lettas to da Efraim an da Manasseh peopo. He tell um fo come da Temple Fo Da One In Charge inside Jerusalem an make da Passova spesho religious kine ceremony dea fo Da One In Charge, da God fo da Israel peopo.

2 Records 30:13

Da numba two month, choke plenny peopo come togedda inside Jerusalem. Dey make da spesho religious kine ceremony wen dey eat da Bread Dat No Mo Yeast.

2 Records 30:15

Da numba two month, da day numba fourteen, dey kill da bebe sheeps fo da Passova. Da pries guys an da Levi guys wen come shame da numba one month cuz dey no make ready yet. But dis time dey make um come spesho fo Da One In Charge, an bring da burn up kine sacrifices to da Temple Fo Da One In Charge.

2 Records 35:1

Josiah make da Passova spesho religious kine ceremony fo Da One In Charge inside Jerusalem town. Da numba one month, da numba fourteen day, dey kill da bebe sheeps fo da Passova sacrifice.

Smart Guys 11:14

Wen no mo nobody fo tell peopo wat fo do, All dea nation goin get wipe out. Wen get plenny peopo dat can tell peopo wass good fo do, Dey all goin stay outa trouble.

Smart Guys 15:22

You make one plan, but you no tell nobody, You jam up erybody. But you aks plenny peopo wass good fo do, Da ting goin happen.

Teacha 4:13

If get one young guy dat no mo notting, but he know wat fo do erytime, dat guy mo betta den one ol king dat no lissen wen somebody tell um wass da bestes ting fo him do.