2 Records 3:1 - Hawaii Pidgin Bible

¹ Den Solomon start fo build da Temple Fo Da One In Charge inside Jerusalem on top Mount Moriah. Dass da same place wea Da One In Charge wen let Solomon faddah David see um befo time. Az was da same open place wea Araunah da Jebus guy split da wheat from da junk kine stuff, da place wea David wen make ready fo build da temple ova dea.

2 Records 3:1 ပူးပေါင်းရင်းမြစ်များ

Start 22:14

Abraham give dat place da name Da One In Charge See Um. Dass mean, “Da One In Charge See Wat I Need An Give Me Dat.” Nowdays peopo still yet tell: “On top da mountain wea Da One In Charge stay, God see wat we need an give us dat.”

Start 22:2

God tell um, “Go get yoa boy Isaac, da ony one you get, da one you get plenny love an aloha fo. Take um an go Moriah side. Wen you get dea, I goin show you one a da hills ova dea. Take yoa boy on top dat hill, an kill um dea, fo make da kine sacrifice wea you burn up da whole ting.”

2 Samuel 24:16

But wen da killa angel stay ready fo wipe out Jerusalem, Da One In Charge pity da Jerusalem peopo an change his mind cuz he awready punish da Israel peopo plenny. He tell da angel guy dat stay kill da peopo, “Nuff awready! No kill no moa!” Da angel dat Da One In Charge wen sen stay right den an dea by da open place wea Araunah from Jebus split da junk kine stuff from da wheat.

1 Records 21:18

Da angel guy from Da One In Charge tell Gad fo tell David go build one altar fo Da One In Charge, on top da open place wea Ornan da Jebus guy stay split his wheat from da junk kine stuff.

1 Records 22:1

Den David tell, “Da Temple Fo Da God Da One In Charge goin stay dis place wea Ornan da Jebus guy clean da wheat, An da altar fo da burn up kine sacrifices fo da Israel peopo goin stay hea too.”

1 Records 6:10

Johanan da faddah fo Azariah (He da pries ova da Temple dat Solomon wen build inside Jerusalem).

2 Records 3:2

Solomon guys start fo build um, da year numba four, da month numba two, day numba two afta Solomon come king.

Jesus Guys 7:47

But David boy Solomon, he da one make dat house fo God.”