2 Records 28:1 - Hawaii Pidgin Bible

¹ Ahaz was twenny year ol wen he come king, an he stay king inside Jerusalem fo sixteen year. But he no make jalike his ancesta guy David. He no do da right kine stuff da way Da One In Charge see um.

2 Records 28:1 ပူးပေါင်းရင်းမြစ်များ

1 Records 3:13

Ahaz his boy. Hezekiah his boy. Manasseh his boy.

2 Records 17:3

Da One In Charge stay wit Jehoshafat cuz he make jalike his ancesta David wen make wen David stay young. He no aks da Baal gods fo tell um wat goin happen,

2 Records 27:2

He do wat stay right, da way Da One In Charge see um, jalike his faddah Uzziah wen do, but he neva go inside da Temple Fo Da One In Charge jalike Uzziah wen do. But dat time, da peopo still yet stay do pilau kine stuff.

2 Records 27:9

Jotam mahke, an res wit his ancesta guys. Dey bury him inside Jerusalem, David town. His boy Ahaz come king afta him.

2 Records 28:19

Dass how Da One In Charge wen make da Judah peopo lose face cuz a King Ahaz, da Judah king. Cuz Ahaz no hold back da Judah peopo from do bad kine stuff. Da way Ahaz ack, Da One In Charge no can trus um.

2 Records 29:2

He do wat stay right, da way Da One In Charge see um, jalike eryting his ancesta guy David wen do.

Isaiah 1:1

Isaiah, Amoz boy, he wen talk fo God bout Judah an Jerusalem. Dat time, da king fo da Judah peopo was Uzziah, den Jotham, den Ahaz, an den Hezekiah. Dis book tell wat God wen show Isaiah.

Hosea 1:1

Dis da message Da One In Charge give Hosea, Beeri boy. Dat time Uzziah, Jotam, Ahaz, an Hezekiah stay king fo da Judah peopo. An Jeroboam Numba Two, Jehoash boy, he stay king fo da Israel peopo.

Micah 1:1

Wen Jotam, den Ahaz, an den Hezekiah stay king Judah side, Micah from Moreshet town talk fo Da One In Charge. Dis wat Da One In Charge show Micah bout Samaria an Jerusalem:

Matthew 1:9

Uzziah, he Jotham faddah. Jotham, he Ahaz faddah. Ahaz, he Hezekiah faddah.