2 Records 26:13 - Hawaii Pidgin Bible

¹³ Unda dem, dey get 307,500 army guys dat know how fo fight good. Dey one strong army fo fight fo da king, agains da guys dat stay agains him.

2 Records 26:13 ပူးပေါင်းရင်းမြစ်များ

2 Records 11:1

Wen Rehoboam come back Jerusalem, he bring all da Judah ohana guys an da Benjamin ohana guys togedda fo make war: 180,000 army guys fo make war agains da Israel guys, an take back da peopo fo Rehoboam.

2 Records 12:1

Afta Rehoboam stay solid fo be king, an he come strong, den him an all da Israel peopo too, bag from da rules Da One In Charge wen teach um.

2 Records 13:3

Abijah attack Jeroboam wit 400,000 Judah guys dat he wen pick cuz dey know how fo make war.

2 Records 14:7

Asa tell da Judah peopo, “Us guys goin build up dese towns, an put wall all aroun um, wit towas, gates, an bars fo da gates. Da land still ouas cuz us guys go all out fo know oua God, Da One In Charge. Cuz us go all out fo know him, he make um so us no worries no matta get odda peopos all aroun us.” Az why dey build buildings, an eryting go good fo dem.

2 Records 14:8

Asa get 300,000 Judah guys inside his army. Dey use da big shield an da kine spear you throw.

2 Records 25:5

Amaziah call da Judah men guys togedda. He put all da diffren Judah an Benjamin ohanas unda army officer guys ova one tousan guys an ova one hundred guys. Den he line up da guys twenny year ol o moa, an find out dat get three hundred tousan army guys ready fo fight, dat carry spear an big shield.

2 Records 26:12

Get 2,600 army officer guys fo da diffren ohanas. Dey stay in charge a da guys dat fight.

2 Records 26:14

Uzziah give all da army guys shields, spears, army kine helmet, body armor, bows an arrows, an stones fo throw wit dea sling.