2 Records 25:9 - Hawaii Pidgin Bible

⁹ Amaziah aks da guy dat stay tight wit God, “But I wen pay da Israel guys 7,500 poun silva awready! Wat bout dat?” Da guy dat stay tight wit God tell, “Da One In Charge, he can give you plenny mo den dat!”

2 Records 25:9 ပူးပေါင်းရင်းမြစ်များ

2 Records 25:10

So Amaziah let go da Efraim ohana guys dat wen come by him from da Efraim land, an sen dem back home. Dem guys come real huhu wit da Judah guys, an go back home wit plenny huhu.

Songs 24:1

Da One In Charge, he own Da whole world an eryting dea. He own da land An all da peopo dat live dea.

Smart Guys 10:22

Wen Da One In Charge do good tings fo peopo, He give dem plenny good stuff. He no give problem same time.

Rules Secon Time 8:18

But you guys, no foget dat oua God, dass Da One In Charge a us, he da One dat make you strong fo get rich kine stuffs. Az how he keep da deal he wen make wit yoa ancesta guys, da time he make one strong promise fo give da land to dem, jalike he stay do today.