2 Records 24:14 - Hawaii Pidgin Bible

¹⁴ Wen all da work pau, dey bring da res a da silva by da king an Jehoiada. Da worka guys use dat fo make odda tings fo use inside da Temple Fo Da One In Charge: tings fo use wen dey make one religious kine ceremony, an fo make burn up kine sacrifices, an pans, an gold an silva kine dishes. All da time Jehoiada stay alive, dey erytime make da burn up kine sacrifices inside da Temple Fo Da One In Charge.

2 Records 24:14 ပူးပေါင်းရင်းမြစ်များ

1 Kings 7:50

da pure gold cups, knifes fo cut da wicks, bowls fo blood, dishes fo da incense, pans fo carry da fire, da gold plate pivot fo da doors dat go inside da mos inside room, da Place Dat Stay Real, Real Spesho Fo God, an da gold plate pivot fo da big doors fo go inside da main Temple room.

2 Kings 25:12

But some a da peopo dat no mo notting, Nebuzaradan let um stay dea fo dem take kea da grape farms an work inside da fields.

2 Kings 25:15

Nebuzaradan take da pans dey use fo burn incense an da bowls fo sprinkle blood. He take da gold kine stuff fo get da gold from dat, an da silva kine stuff fo get da silva.

1 Records 23:31

An dey do um weneva get burn up kine sacrifice fo Da One In Charge fo da Res Day an da New Moon times, an da odda spesho religious ceremonies. Dey work in front Da One In Charge all da time wen an how dey suppose to work.

2 Records 2:3

Solomon sen dis message fo Hiram, da Tyre king: “Try sen me cedar kine wood, jalike you wen sen to my faddah David, da time you sen him da cedar wood fo build one palace fo him live inside.

2 Records 24:13

Da guys dat stay in charge a da work do one good job, same ting fo da guys dat do da work unda dem. Dey make da Temple Fo God come good one mo time, jalike da worka guys long time befo wen measure um. Dey make um strong.

2 Records 24:15

Jehoiada, he come plenny ol. He mahke wen he one hundred thirty year ol.

2 Records 31:2

Hezekiah pick da pries an Levi guys by dea blood lines. He tell who gotta do da diffren Temple kine jobs an wat days all dem gotta work. Dea jobs, fo make da burn up kine sacrifices, an da sacrifices fo show dat da peopo an God stay good wit each odda, an do odda kine work, an tell God “Mahalo plenny!” an sing dat Da One In Charge stay good, an be da security guard guys fo da place wea Da One In Charge make camp.

Outa Egypt 36:5

fo go tell Moses, “Nuff awready! No need fo da peopo bring mo plenny stuffs den wat us guys need fo do da work Da One In Charge tell we gotta do.”

Smart Guys 27:22

One guy dat do bad kine stuff an dat no bodda him, You no can do notting, fo him no ack lidat. No matta you grind him up jalike food wit one poi pounda, No way you goin make um no do bad kine stuff.