2 Records 23:3 - Hawaii Pidgin Bible

³ all da peopo dat come togedda dea make one deal wit da king inside da Temple Fo God. Jehoiada tell dem, “Lissen up! Da mahke king, his boy Joash, he goin come king! Dass cuz Da One In Charge wen make one strong promise bout da guys dat goin come from David.

2 Records 23:3 ပူးပေါင်းရင်းမြစ်များ

2 Samuel 5:3

So wen all da older leadas fo da Israel peopo come by King David inside Hebron town, he make one deal wit dem dea, in front Da One In Charge. Dey pour oil on top David head fo make him da king ova all da Israel peopo.

2 Samuel 7:12

Wen yoa time pau, an you sleep wit yoa ancesta guys, goin be one a yoa kids dat I goin make king afta you, one dat come from you. An I goin make him come strong an solid, fo stay king long time.

2 Samuel 7:16

Yoa ohana goin stay solid foeva. Same ting fo da king guys in da line dat come from you. Da right you guys get fo be da king, goin stay solid foeva too.’ ”

1 Kings 2:4

Wen you do all dat, den Da One In Charge goin make happen wat he tell bout me befo time, ‘Da king guys dat come born from yoa blood bumbye, dey gotta watch out how dey ack cuz I goin see how dey ack. If dey go all out fo do eryting wit one good heart, an wit eryting dey get inside, I know I can trus dem. Den me, Da One In Charge, I no goin wipe out yoa blood line eva. Erytime goin get one guy dat come from yoa blood line, dat goin be da King fo sit on top da throne fo da Israel peopo.’ Dass wat Da One In Charge wen tell bout me.

1 Kings 9:5

If you do all dat, den I goin make you an da guys dat goin come from you, come da kings fo da Israel peopo foeva. I wen make dis promise to yoa faddah David: ‘You goin be da ancesta fo da kings fo Israel, foeva.’

2 Kings 11:17

Den Jehoiada da pries guy make one strong promise to Da One In Charge, from da king an da peopo, dat dey goin come da peopo a Da One In Charge. An he make da king make one promise to da peopo, an da peopo make one promise to da king.

1 Records 11:3

Wen all da older leadas fo da Israel peopo go by King David Hebron side, he make one deal wit dem ova dea in front Da One In Charge. Dey put olive oil on top David head fo make him da king fo da Israel peopo, jalike Da One In Charge wen make one promise an tell Samuel.

2 Records 21:7

But cuz Da One In Charge wen make one deal wit David, Da One In Charge no like wipe out da David ohana. Da One In Charge wen make one promise fo make David ohana stay alive foeva, jalike one olive oil lamp dat no pio.

2 Records 23:16

Den Jehoiada make one deal fo him, da peopo, an da king. Dey all goin come da peopo a Da One In Charge.

2 Records 6:16

“You Da One In Charge, da God fo us Israel peopo. So now, I like you fo do eryting you wen promise yoa worka guy, my faddah David, fo do wen you make dis odda promise to him: ‘You erytime goin get one boy from yoa blood, fo sit on top da Israel throne—but ony if da kings dat goin come from you take kea how dey ack. Dey gotta make shua dey do eryting my Rules tell, jalike you David wen do.’

2 Records 7:18

If you do dat, den I goin make da guys from yoa blood stay da king fo dis land, fo shua, jalike I wen make one deal wit yoa faddah David fo do dat. Dat time, I tell um, ‘You goin get somebody from yoa blood fo be in charge a da Israel peopo erytime.’

Songs 89:29

I goin make shua Dat da peopo dat goin come From David blood line, Goin stay in charge. Goin get one a dem wit da right Fo sit on top David throne foeva, Jalike da sky stay foeva.

Songs 89:36

Goin get peopo dat come from him Fo be da king in front me foeva, Jalike da sun come up foeva.