2 Records 21:7 - Hawaii Pidgin Bible

⁷ But cuz Da One In Charge wen make one deal wit David, Da One In Charge no like wipe out da David ohana. Da One In Charge wen make one promise fo make David ohana stay alive foeva, jalike one olive oil lamp dat no pio.

2 Records 21:7 ပူးပေါင်းရင်းမြစ်များ

2 Samuel 21:17

But Zeruiah boy Abishai come by David fo help him. He wack da Filisha guy an kill um. Den David guys make one strong promise to David. Dey tell, “You no goin go out wit us fo make war! We no like you mahke, cuz you show us guys wea fo go, jalike you da lamp fo da Israel peopo, an no good you get kill, cuz den oua lamp goin come dark!”

2 Samuel 23:5

“Fo shua, my ohana goin stay lidat wit God. He wen make one promise fo me dat stay foeva. He make shua ery part okay, an no ways goin change. He goin make me da winna! He goin make eryting happen Dat I like fo happen.

1 Kings 11:13

Still yet, I no goin take away all da rights fo yoa boy be king. I goin give him jus yoa ohana an anodda ohana fo be dea king too, cuz David wen work fo me, an I awready pick Jerusalem town fo be mines.”

1 Kings 11:36

I jus goin leave da Judah ohana an anodda ohana fo Solomon boy. Cuz I like fo my worka guy David erytime get one guy dat come from him, Jerusalem side, fo show my peopo wea fo go, jalike one olive oil lamp dat goin burn in front me foeva. Az cuz I wen pick Jerusalem town fo be da place wea erybody can find out wat kine god me.

1 Kings 15:4

But cuz God Da One In Charge get plenny respeck fo David, God give da David ohana somebody fo lead da Jerusalem peopo. He give King Abijam one boy fo lead um, jalike one oil lamp dat stay burn long time. Dat mean, Da One In Charge give da peopo one guy dat get David fo his ancesta, fo make da Jerusalem govmen stay strong.

2 Kings 8:19

But cuz Jehoram ancesta guy King David wen work fo Da Boss, Da One In Charge no like wipe out all da Judah peopo. Da One In Charge make one promise befo time, fo let guys dat come from David blood be kings foeva, jalike dey one light fo show peopo da way fo go.

2 Kings 8:24

Jehoram mahke, an dey bury him by his ancesta guys, inside David big town Jerusalem. An Ahaziah, Jehoram boy, come king afta him.

2 Records 22:11

But Ahaziah sistah Jehosheba, she grab Ahaziah bebe boy Joash, an take him away from da king odda boys dat Ataliah stay ready fo kill. She put him an da wahine dat give him her breas milk in one bedroom. Dass wat Jehosheba do. Her, Ahaziah sistah, King Jehoram girl dat wen marry da pries guy Jehoiada. She hide da bebe so Ataliah no can kill um.

2 Records 23:3

all da peopo dat come togedda dea make one deal wit da king inside da Temple Fo God. Jehoiada tell dem, “Lissen up! Da mahke king, his boy Joash, he goin come king! Dass cuz Da One In Charge wen make one strong promise bout da guys dat goin come from David.

2 Records 6:16

“You Da One In Charge, da God fo us Israel peopo. So now, I like you fo do eryting you wen promise yoa worka guy, my faddah David, fo do wen you make dis odda promise to him: ‘You erytime goin get one boy from yoa blood, fo sit on top da Israel throne—but ony if da kings dat goin come from you take kea how dey ack. Dey gotta make shua dey do eryting my Rules tell, jalike you David wen do.’

Songs 132:11

Befo time, Da One In Charge Make one strong promise to David, Da kine promise you can trus, An God no goin change his mind. He tell: “I goin put one king Dat goin come from you, David, On top da throne, Jalike wen you was in charge.

Songs 89:39

You tell, “No mean notting, Da deal I wen make Wit da guy dat work fo me!” You wen take his crown An throw um down on top da dirt!

Luke 1:69

He give us one Guy dat get da powa Fo get us outa da bad kine stuff we stay in. Dat Guy come from King David ohana, Da king dat work fo God.

Luke 1:79

Da peopo dat stay do bad kine stuff, Jalike dey stay live inside da dark an no can see notting, An dey goin mahke inside, God goin help dem fo know da trut. Den us guys goin see da right way, An den notting goin bodda us guys.”