2 Records 20:4 - Hawaii Pidgin Bible

⁴ Da Judah peopo come togedda fo tell Da One In Charge fo help dem. Dey come from ery town inside Judah fo tell Da One In Charge dey need help.

2 Records 20:4 ပူးပေါင်းရင်းမြစ်များ

2 Records 11:16

Get peopo from ery ohana inside Israel dat make up dea mind fo stay tight wit Da One In Charge, da God fo da Israel peopo. Dey follow da Levi guys to Jerusalem fo dem make sacrifice dea fo Da One In Charge, da God fo dea ancesta guys.

2 Records 19:5

He pick local leada guys fo all da Judah towns, inside all da big towns dat get strong wall, one town afta anodda.

2 Records 20:5

Den Jehoshafat stan up in front all da Judah an Jerusalem peopo dat come togedda by da Temple Fo Da One In Charge, da front part a da new open lanai.

2 Records 7:14

If dat kine ting happen, maybe den my peopo, da ones erybody know dey my guys, goin make um come not importan. Dey goin pray an try know me fo real kine. An dey goin no do da bad kine stuff dey wen do no moa. Wen dey do dat, den I goin lissen from da sky. I goin let dem go an hemo dea shame fo da bad kine tings dey wen do. An I goin make dea land come good one mo time.

Ezra 8:21

By da Ahava Watta Ditch, I tell erybody fo skip food wen dey pray, an fo come togedda in front God an show dat us need him plenny. We aks God fo take us to Jerusalem, fo watch us fo nobody get hurt—us guys, oua kids, an all da stuffs we stay take wit us.

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 56:4

I hear wat God tell an I tell, az good. I stay trus God. Az why I no stay sked. Da ones dat stay agains me, Dey ony peopo! Dey no can do notting To me, you know!

Songs 69:35

Cuz da Jerusalem An Mount Zion peopo, God goin get dem outa trouble. He goin build da towns All ova Judah one mo time. Dose peopo goin live dea, An dea towns goin stay dea property.

Joel 1:14

Tell da peopo fo no eat, So dey can pray spesho kine to Da One In Charge. Call dem fo come togedda Spesho kine fo Da One In Charge. Call da older leadas An erybody dat live inside da land. Call dem fo come togedda to da Temple Fo Yoa God Da One In Charge, Fo dem yell to Da One In Charge fo help.

Amos 5:4

Dis wat Da One In Charge tell da Israel ohana: “Eh! Go come back by me an be my guys, Fo me help you, aah? Den you guys goin stay alive an no mahke.

Zefaniah 2:1

You Judah guys dat no shame, Bring da whole nation togedda!