2 Records 20:20 - Hawaii Pidgin Bible

²⁰ Early morning time dey go from Jerusalem to da Tekoa Boonies. Wen dey all ready fo go, Jehoshafat stan up an tell, “You Judah an Jerusalem guys, lissen me! Trus yoa God, Da One In Charge, an he goin make you stay solid! Trus da guys dat talk fo him, an you guys goin come out okay!”

2 Records 20:20 ပူးပေါင်းရင်းမြစ်များ

2 Samuel 14:2

So Joab sen somebody Tekoa town fo bring one spesho wahine from dea dat know wat fo do erytime. Wen she come, he tell her, “Ack jalike you stay sad inside, aah?! Wear da kine clotheses fo wen you go one funeral, an no use perfume. Ack jalike one wahine dat stay sad inside an cry long time cuz somebody mahke.

1 Records 4:5

Ashhur, Tekoa faddah, get two wifes, Helah an Naarah.

2 Records 11:6

Betlehem, Etam, Tekoa,

2 Records 20:19

Den some Levi guys from da Kohat an Korah ohanas stan up fo tell wit one strong voice dat Da One In Charge, da God fo da Israel peopo, he da greates.

Songs 125:1

Da peopo dat trus Da One In Charge, Dey stay solid all da time, Jalike Mount Zion, Dat no move an stay solid.

Outa Egypt 14:31

Wen da Israel peopo see how Da One In Charge use his awesome kine powa fo wipe out da Egypt guys, da peopo come sked an get awesome respeck fo Da One In Charge. Cuz a dat, dey stay trus Da One In Charge an his worka guy Moses.

Isaiah 26:3

Da One In Charge, you take kea Whoevas stay shua bout wat dey tink. Az why dey no mo worries Cuz dey trus you.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 7:9

Da main town inside Israel, dass Samaria, Da main guy inside Samaria, dass Remaliah boy. If you guys no stay shua bout dis, Az cuz you no stay solid bout um.”

Jeremiah 38:20

Jeremiah tell him, “Dey no goin turn you ova to da Judah guys. Lissen to Da One In Charge, an do wat I tell you fo do. Den eryting goin go good fo you, an you goin stay alive.

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!

Daniel 6:23

Den da king come real, real good inside. He tell his guys fo bring Daniel outa da big hole. Wen dey bring Daniel outa da hole, dey no find cuts on top him notting cuz he trus his God.

Luke 16:31

“But Abraham tell, ‘If dey no lissen da Rules From Moses, an to da guys dat talk fo God, dey no goin lissen an trus God, even if one guy come back alive from mahke.’ ”

John 11:40

Jesus tell her, “I tell you awready dat if you trus God, you goin find out how awesome he stay, aah?”

John 13:20

Dass right! An I like tell you guys dis too: Whoeva stay tight wit any guy I sen all ova da place, dey stay tight wit me too. An whoeva stay tight wit me, dey stay tight wit da One wen sen me too.”

John 14:1

“No need you guys come all bodda inside. Trus God, an trus me too.

Rome 8:31

So den, wat you tink bout all dis? God stay fo us guys to da max. Cuz God stay lidat, who goin go agains us? No mo nobody!

Hebrews 11:6

An you know, whoeva no trus God, dey no can make God stay good inside. Cuz whoeva like come tight wit God, dey gotta stay shua dat God stay fo real. An if dey like know him fo real kine, dey gotta stay shua dat God goin give um someting spesho fo dat.