2 Records 2:5 - Hawaii Pidgin Bible

⁵ “Da temple I goin build goin be big an importan, cuz oua God stay mo importan den all da odda gods.

2 Records 2:5 ပူးပေါင်းရင်းမြစ်များ

1 Kings 8:27

“But you know wat, God? How you goin make house Hea on top da earth, aah?! No can! You, mo big den da mos high part a da sky! Fo shua, no way you can live down hea Inside dis Temple dat I wen build!

1 Kings 9:8

Dis Temple goin come one big mess jalike one rubbish pile. Erybody dat pass by dea no goin tink wat dey see az fo real. Dey goin tell, ‘How come Da One In Charge wen do dis to da land an da Temple?!’

1 Records 16:25

Cuz Da One In Charge real importan. Az good, wen peopo tell good stuff bout him! Stay sked a him Mo den you sked a all da odda gods.

1 Records 29:1

Den King David tell all da peopo dat wen come togedda: “My boy Solomon, he da ony one dat God wen pick. But he young, an he neva do dis kine stuff befo time. Da job real big, cuz dis palace not fo one guy, but fo God, Da One In Charge.

1 Records 29:14

“But who me, an who my peopo, dat us guys get enuff stuff fo us give all dis to you, an stay good inside cuz we give um?! Eryting come from you, an us guys ony give back to you wass yoas.

2 Records 2:9

fo make shua I get plenny cut wood. Cuz da temple dat I goin build, goin be real big an awesome.

2 Records 29:11

Eh my boys, no foget yoa kuleana now. Cuz Da One In Charge wen pick you guys fo stan in front him an do his work, fo come his worka guys an fo burn up da sacrifices.”

2 Records 6:18

“But you, God, az fo real dat you goin live on top da earth wit peopo, o wat? An even mo den dat, da sky, even da mos high part, no can hold you. Den fo shua dis Temple dat I wen build no can hold you!

Songs 135:5

Me, I know dis: Da One In Charge, He awesome! Oua Boss guy, he mo awesome Den all da odda gods!

Songs 145:3

Da One In Charge, he da One! Real good fo tell good tings bout him! He real big, no can figga out Eryting bout him!

Songs 148:4

Jalike da peopo tell good tings Bout Da One In Charge, Az good, fo da mos high parts a da sky Do da same ting too! An same ting fo all da watta Dat stay ova da sky!

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Outa Egypt 18:11

Now I know fo shua, dat Da One In Charge, mo importan den all da odda gods, no matta da Egypt peopo make any kine to you guys!”

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Jeremiah 10:6

Da One In Charge, no mo nobody stay jalike you. You da bestes! Wen peopo know wat kine god you, Dey know you strong an can do awesome kine stuff!

Ezekiel 7:20

Dey get big head cuz dey get fancy kine jewelry, an dey use um fo make dea idol kine gods dat I hate. Az why I goin make dea stuff come all pilau.

1 Timoty 6:15

God goin bring back Jesus wen he stay ready. He God, da One dat stay good inside fo real kine. He da ony One dat run eryting. He da King ova all da odda kings, An Da One In Charge ova all da odda bosses.