2 Records 18:3 - Hawaii Pidgin Bible

³ Ahab aks Jehoshafat, “You goin go wit me fo go agains da peopo inside Ramot Gilead, o wat?” Jehoshafat tell um, “I jalike you, an my peopo jalike yoa peopo. We go wit you an make war ova dea.”

2 Records 18:3 ပူးပေါင်းရင်းမြစ်များ

1 Kings 22:4

Den he aks Jehoshafat, “You go wit me fo make war Ramot Gilead side?” Jehoshafat tell da Israel king, “Shoots, I go! Me an you, stay real tight. My peopo an my horses, dey stay yoas.”

1 Kings 4:13

Ben-Geber, fo Ramot-Gilead side. He get da small towns dat Jair Ben-Manasseh wen build Gilead side, an da Argob lands Bashan side, sixty big towns dat get strong wall aroun dem an bronze bars fo hold da town gates shut.

2 Kings 3:7

Wen he stay go, he sen messenja guys by Jehoshafat, da king fo Judah, fo tell him, “Da Moab king make war agains me, fo throw out da Israel territorial govmen. I like you go wit me fo fight da Moab guys.” Jehoshafat tell, “Shoots! Me an you stay real tight. My peopo an my horses, dey yoas.”

2 Records 18:2

Afta some year, Jehoshafat go from Jerusalem to Samaria town fo visit Ahab. Ahab kill plenny sheeps an goats an cows fo Jehoshafat an da peopo wit him. Den Ahab try make Jehoshafat tink az good fo go attack da peopo Ramot-Gilead town.

2 Records 18:4

But Jehoshafat tell da Israel king, “Firs ting, gotta aks Da One In Charge right now wat he tell.”

2 Records 19:2

Jehu (his faddah Hanani, da guy dat can see wass goin happen) go out fo meet da king. He tell da king, “You tink az good you help da guys dat do real bad kine stuff, o wat?! You tink az good, you get love fo da guys dat hate Da One In Charge, o wat?! Cuz you wen do dat, Da One In Charge stay huhu wit you!

Songs 139:21

Eh! You Da One In Charge! Da peopo dat hate you, Dey da ones I goin hate too! Da peopo dat go fight you, Dey good fo notting!

Efesus 5:11

No go do bad kine stuff wit da peopo dat donno God cuz jalike dey stay dark inside. Da kine stuff dey do ony wase time. Mo betta show erybody how bad dat kine stuff stay.