2 Records 18:18 - Hawaii Pidgin Bible

¹⁸ An Mikaiah talk some moa. He tell “Az why you guys gotta lissen wat Da One In Charge tell: I see dis, jalike one dream—Da One In Charge stay sit on top his throne wit all his peopo inside da sky standing by his right side an his lef side.

2 Records 18:18 ပူးပေါင်းရင်းမြစ်များ

Start 32:2

Wen Jacob see dem, he tell, “Dis place, az God place, an dey God angel army guys fo shua.” Dass how come he give dat place da name Mahanaim, cuz soun kinda like “Two Camping Place,” dea language.

2 Records 18:17

Den Ahab tell Jehoshafat, “Ho! I wen tell you, aah? Wen dis guy talk fo Da One In Charge, he no tell notting good bout me eva, ony bad kine stuff!”

2 Records 18:19

An Da One In Charge tell, ‘Who goin make Ahab, da Israel king, tink he gotta go attack Ramot-Gilead, fo him mahke ova dea?!’ “One spirit tell one ting, an anodda one tell anodda ting.

Isaiah 1:10

So, lissen wat Da One In Charge tell you guys, You leada guys dat ack jalike you from Sodom! Lissen wat oua God stay teach, You peopo dat ack jalike you from Gomorrah!

Isaiah 28:14

Cuz a dat, lissen wat Da One In Charge tell, You guys like laugh at God, You guys dat stay in charge a dis peopo inside Jerusalem!

Isaiah 39:5

Den Isaiah tell Hezekiah, “Lissen wat Da One In Charge, Da God Ova All Da Armies, tell:

Jeremiah 19:3

Tell dem: ‘Lissen wat Da One In Charge tell, you Judah king guys an Jerusalem peopo. Dis wat Da One In Charge, da God Ova All Da Armies an da God fo da Israel peopo, tell: Lissen up! I goin make one real bad kine ting happen dis place. Wen peopo hear bout dis, dey goin come all shock, cuz dis place goin come all bus up.

Jeremiah 2:4

Lissen wat Da One In Charge tell, you Jacob peopo, all da ohanas inside da Israel house.

Jeremiah 34:4

“ ‘But Zedekiah, lissen wat me, Da One In Charge, promise. You da king fo da Judah peopo. Dis wat me, Da One In Charge, tell bout you. Nobody goin kill you wit dea sword.

Daniel 7:10

From wea he sit, Can see one fire dat look jalike one riva stay burn. Da fire stay go out from in front him. Plenny tousan angel guys do his work, Millions a angel guys stay by him. Den da judge guys sit down fo start dea work An dey open da books Dat tell wat da peopo wen do.

Daniel 7:9

“I stay look some moa, an get thrones set up ova dea Fo da judge guys. Da One Dat Stay From Befo Time sit down dea. His clotheses stay all white jalike da snow. Da hair on top his head Stay white jalike da bestes kine wool. His throne, jalike was burning, An da wheels undaneat jalike burning too.

Amos 7:16

“Eh Amaziah! Now, you gotta lissen wat Da One In Charge tell. You tell me, ‘No talk fo God bout da Israel ohana! No stay teach agains da Isaac ohana!’

Zekariah 1:10

Den da firs angel, da one dat stay stan wea da myrtle trees stay, he tell, “Dey da ones dat Da One In Charge wen sen out fo go all ova da world.”