2 Records 17:6 - Hawaii Pidgin Bible

⁶ He like tink plenny bout wat Da One In Charge stay do. An he even take away da sacrifice places on top da hills fo da odda gods, an broke down da tiki poses fo da wahine god Asherah, all ova Judah.

2 Records 17:6 ပူးပေါင်းရင်းမြစ်များ

1 Kings 22:43

Eryting Jehoshafat do, he do um jalike his faddah Asa. He neva go da wrong way, he ony do da kine stuff Da One In Charge tell stay right. Still yet, all da sacrifice place on da top a da hills still stay dea. Da peopo still stay make sacrifice fo da odda gods an burn incense dea.

2 Records 14:2

Asa wen do wat stay good an right da way his God, Da One In Charge, see him.

2 Records 14:3

He take down da altars fo da gods from anodda place, an da sacrifice places fo da odda gods on top da hills. He smash da kapu stones, an cut down da tiki poses dey put up fo da wahine god Asherah.

2 Records 15:17

No matta da sacrifice places fo da odda gods still stay dea inside Israel, Asa get one good heart fo Da One In Charge all da time he stay alive.

2 Records 19:3

Still yet, get some good kine stuff inside you. Cuz you wen take out all da tiki poses fo da wahine god Asherah inside da land, an you wen make up yoa mind fo come fo know Da One In Charge.”

2 Records 20:33

Ony one ting—da sacrifice places fo da idol kine gods on top da hills, stay still yet, an da peopo still no go all out fo da God fo dea ancesta guys.

2 Records 31:1

Wen all dat pau, all da Israel peopo dat stay dea go out from Jerusalem. Dey go inside da odda Judah towns. Ova dea, dey smash da stan up kapu stones an chop down da tiki poses fo da wahine god Asherah. Dey wipe out da sacrifice places on top da hills an da altars fo da idol kine gods all ova da Judah, Benjamin, Efraim, an Manasseh lands. Afta da Israel peopo wipe out all dose tings, dey go back dea home towns an lands.

Job 22:26

Cuz den fo shua you goin stay good inside Bout Da God Dat Get All Da Powa. You no goin come shame fo face God.

Songs 119:1

Da kine peopo Dat nobody can poin finga dem An dat no go da wrong way, Cuz dey follow da Rules From Da One In Charge, Dose peopo can stay good inside!

Songs 138:5

Dass why dey goin sing Bout how you do tings. Dey goin tell: “Da One In Charge, He stay real awesome!”

Outa Egypt 34:13

Dis wat you gotta do: you gotta broke down dea altars, smash da big stones dey put up fo dea gods, an cut down da poses dey put up dea fo dea wahine god Asherah.

Hosea 14:9

Erybody dat know wat fo do erytime, An know wass good an wass bad, Dey goin know an undastan All dis stuff I wen write. Cuz Da One In Charge erytime go da right way, An da peopo dat do wass right, Dey go da same way. But da peopo dat go agains Da One In Charge, Dey trip an fall down wen dey try fo go Da way God like um fo go.

Jesus Guys 13:10

“Da Devil, he yoa faddah, an you hate all da stuff dat stay pono! You bulai to da max, an trick all da peopo! Erytime you try change da true stuff dat Da One In Charge teach!

Rules Secon Time 28:47

All dat goin happen cuz you guys no stay real good inside wen you work fo yoa God, Da One In Charge, an even wen eryting was plenny good fo you guys.