2 Records 16:8 - Hawaii Pidgin Bible

⁸ No foget now! Da Sudan guys an da Libya guys was one real big army wit plenny war wagons an plenny guys dat ride horse. But wen you wen trus Da One In Charge, he make you win ova dem.

2 Records 16:8 ပူးပေါင်းရင်းမြစ်များ

2 Records 12:3

He get 1,200 war wagons an 60,000 army guys dat ride horse. He get mo plenny infantry guys den you can count dat come wit him from Egypt too, an from Libya, Suk, an Sudan.

2 Records 13:16

Da Israel guys run away from in front da Judah guys, an God give da Judah guys da powa fo win.

2 Records 13:18

Dat time, da Israel guys no win. Da Judah guys, dey strong, cuz dey trus Da One In Charge, da God fo dea ancesta guys.

2 Records 14:8

Asa get 300,000 Judah guys inside his army. Dey use da big shield an da kine spear you throw.

2 Records 16:7

Dat time, get one guy Hanani dat can see wass goin happen bumbye. He go by Asa da Judah king, an tell him, “Cuz you wen trus da Aram king, an no trus yoa God, Da One In Charge, da army fo da Aram king wen get away from you.

2 Records 24:24

No matta da Aram army wen come wit ony litto bit guys, Da One In Charge make dem win ova all da Judah army guys. Az was plenny guys. Cuz da Judah peopo wen bag from Da One In Charge, da God fo dea ancesta guys, dass how God punish King Joash.

Isaiah 18:2

Dea govmen sen dea messenja guys on top da watta. Dey go inside da kine boat dey make wit papyrus kine reed. Eh, you messenja guys! Go fas to dat odda country far away. To da peopo ova dea, Da tall guys wit smooth skin, Erybody sked dem. Den go from dea, go even mo far still yet. Get one real strong peopo ova dea Dat stay bus up erybody, Ova dea wea da big rivas cut thru dea land.

Nahum 3:9

Da South Sudan peopo an da Egypt peopo Wen make Thebes town mo strong den anybody. Da Put peopo an da Libya peopo help Thebes.