2 Records 15:5 - Hawaii Pidgin Bible

⁵ Da times wen da Israel peopo get presha, not safe fo travel, cuz can get hurt. No matta wat country you go, da peopo stay all jam up.

2 Records 15:5 ပူးပေါင်းရင်းမြစ်များ

Songs 121:8

Da One In Charge goin take kea you Ery place you go, From now, an foevas.

Zekariah 8:10

Befo da time you guys wen start fo build da Temple one mo time, no mo nobody get pay fo dea work, not even fo use da animals. Nobody dat time can do his work an no worry, cuz get peopo dat like fight um. Cuz I make erybody stay agains all da guys dat live nea dem.

Luke 21:25

“Goin get awesome stuff fo see up inside da sky, wit da sun, da moon, an da stars. All ova da world, da peopos from inside da diffren countries goin suffa plenny. Dey goin come all bum out, jalike peopo feel wen da ocean poun loud an da waves come real high.

Rules Secon Time 28:19

“God goin put kahuna on top you guys wen you come inside an wen you go outside.

Local Leadas 5:6

“Da time Shamgar, Anat boy, stay alive, Da time Jael stay alive, nobody walk on top da roads. Da peopo dat go odda place, Dey use da small paths dat go aroun.

1 Samuel 13:6

Wen da Israel guys see az goin be bad fo dem, an dat da Israel army get plenny presha, dey lose fight an dey go hide inside da caves an bushes, inside da cracks in da cliffs, an inside holes cut in da rocks an pukas fo watta.