2 Records 15:13 - Hawaii Pidgin Bible

¹³ Dey tell each odda, dat if somebody no try fo know Da One In Charge, da God fo da Israel peopo, dey goin kill um, no matta dey importan o dey not importan, no matta guy o wahine.

2 Records 15:13 ပူးပေါင်းရင်းမြစ်များ

Start 19:11

Den da angel guys wack all da guys outside da house, da guys dat not importan an da guys dat importan. Dey wack um wit one real strong light, az why da guys outside no can see notting. Dey give up fo find da door.

1 Kings 18:40

Den Elijah tell da peopo, “Grab da guys dat talk fo Baal! No let even one a dem run away!” Da peopo grab dem. Elijah tell da peopo go take um down by da Kishon Stream, an he kill um all dea.

2 Records 15:14

Dey make one strong promise to Da One In Charge fo do dat, wit one loud voice, an yelling cuz dey feel good inside, an dey blow metal trumpets an sheep horn trumpets.

Job 3:19

Da guys dat not importan, an da guys dat stay importan, Dey all stay ova dea. Da boss let go da slave guy awready.

Job 34:19

He no make mo betta to one prince den he make to anodda prince. He no make mo betta to da rich peopo den he make to da pooa peopo. Cuz he wen make all dem.

Songs 115:13

Da One In Charge do good tings Fo da peopo dat feel sked Wen dey come in front him, No matta dey no stay importan, O dey stay importan, same ting.

Outa Egypt 12:29

Da middo a da nite, Da One In Charge start fo kill all da numba one boys all ova da Egypt land. Da Pharaoh guy dat sit down on top da throne, his numba one boy mahke too. Da guy dat da army guys wen catch, dat stay inside one big hole in da groun inside da prison, da numba one boy mahke, same ting. Da animals, same ting, da numba one boy kine animals all mahke.

Outa Egypt 22:19

Anybody go make sex wit one animal, gotta kill da guy o wahine.

Outa Egypt 22:20

Anybody go make one sacrifice to anodda god dass not Da One In Charge, gotta wipe um out.

Zefaniah 1:6

An I goin wipe out da peopo dat wen bag from me, Da One In Charge, An tell me fo help dem, O try find out from me wass good fo dem do.

Jesus Guys 26:22

But God help me erytime till now. So I stan hea an talk to da peopo dat importan an da peopo dat not importan. I ony tell da stuff dat Moses an da odda guys dat befo time talk fo God tell goin happen. I no tell odda stuff.

Rules Secon Time 29:18

Make shua no mo any guy o wahine, o ohana wit you guys, dat goin tell ‘Laytas’ to oua God, dass Da One In Charge a us. Make shua dey no go down an show respeck to da idol kine gods from dose peopos. Make shua no mo notting wit you guys dat make eryting come pilau.

Jesus Show 20:12

An I see all da big an litto mahke guys, standing in front da throne. An da angel guys open da books. Den dey open anodda book, da one dat tell erybody dat get God kine life. Den da Judge check out wat erybody wen do, jalike da book tell.

Jesus Show 6:15

Den erybody all ova da world, da king guys, da odda leadas, da army bosses, da rich peopo, da guys dat get powa, an all da slave guys, an da guys dat not slaves, dey all go hide inside da caves, an unda da rocks on top da mountains.