2 Records 13:9 - Hawaii Pidgin Bible

⁹ But you guys wen throw out Aaron boys, dat stay da pries guys fo Da One In Charge, an da Levi ohana guys. You guys make odda guys yoa pries guys, jalike da peopos inside da odda lands stay do. Whoeva show up fo come spesho fo yoa gods, an bring one young boy cow an seven boy sheeps, dat guy can come one pries fo dose statues dat not fo real kine gods!

2 Records 13:9 ပူးပေါင်းရင်းမြစ်များ

1 Kings 13:33

No matta all dis tings happen, Jeroboam still no ack diffren. He still do bad kine stuff. He still go make anybody from any kine place come pries guys fo da sacrifice places on top da hills. Anybody dat like come one pries, Jeroboam make um come pries fo da places on top da hills wea dey make sacrifice to odda gods.

2 Kings 19:18

Da Assyria guys wen throw dose peopo gods inside da fire an burn um up, cuz dey not real kine gods, but ony tings dat peopo make from wood an stone. Az why dey can wipe um out.

1 Records 29:5

Az da gold fo da gold work an da silva fo da silva work, an odda stuff fo all da work dat da guys do dat know how fo make stuff real good. Now, who goin give da res a da big presents fo Da One In Charge today?”

2 Records 13:10

“But us guys, Da One In Charge, he oua God! We no bag from him. Da pries guys dat work fo Da One In Charge ova hea, dey come from Aaron, an da odda Levi ohana guys get da kuleana fo help dem.

2 Records 29:31

Den Hezekiah tell, “Kay den. You guys wen come spesho fo Da One In Charge. Az why bring plenny sacrifices an presents inside da Temple Fo Da One In Charge, fo tell him ‘Mahalo plenny!’ ” Den all da peopo do dat. An erybody dat like do dat, bring dea animals fo make burn up kine sacrifices.

Outa Egypt 29:1

“Fo make Aaron an his boys spesho fo me, fo dem come da pries guys fo me, dis how you gotta do um: “Bring one young bull, an two boy kine sheeps dat no mo notting wrong wit dem.

Outa Egypt 29:29

“Da spesho religious kine clotheses, Aaron goin give um to da nex guy dat goin come from him, fo da time wen dey put da olive oil on top dat guy an make da sacrifices fo come prieses bumbye.

Outa Egypt 29:35

“So, jalike I wen tell you fo do fo Aaron an his boys fo make um come prieses, you gotta do dat seven day.

Outa Egypt 32:29

Den Moses tell da Levi ohana guys, “Da ting you guys wen do today, dat make you guys spesho fo Da One In Charge from now. Cuz all you guys even go agains yoa boys an yoa braddah guys. Cuz a wat you do today, God goin do good tings fo you.”

Jeremiah 2:11

All dose peopos, dey neva dump dea gods dat dey get from befo time. No matta da gods dey get, dey not gods fo real. But my peopo, dey wen bag from me, Da God dat make dem come awesome, Fo go pray to idol kine gods dat good fo notting!

Jeremiah 5:7

Da One In Charge tell: “How come you Jerusalem guys tink I gotta let you guys go? Yoa kids wen dig out from me. Wen yoa kids make one promise, Dey call out to da gods dat not gods fo real kine, Fo make shua dey goin do wat dey wen promise fo do. I da One give dem eryting dey need. But dey fool aroun wit da wahines dat not dea wife, in front da odda gods. Dey all go togedda to da houses wea da wahines stay Dat fool aroun fo get money fo da odda gods.

Hosea 8:6

Somebody from Israel wen make dat idol! One guy dat work wit metal Wen make da bebe cow kine idol from Samaria. Dass not me, God! Gotta broke um in small pieces awready!

Prieses 16:32

Da pries guy dat God pick fo be da Main Pries Guy, an get da right fo do um afta his faddah, he goin make da peopo come pono one mo time wit me, Da One In Charge. He goin put on da linen kine clotheses dat stay spesho fo me,

Prieses 8:2

“Bring Aaron an his boys, da place wea you go inside da Tent Wea Da Peopo Come Fo Meet Me, Da One In Charge. Tell um fo bring dea pries kine clotheses, da spesho kine olive oil fo put on top dea head, one bull fo make one sacrifice fo da bad tings dey wen do, two boy kine sheeps, an one basket wit bread dat no mo yeast inside.

Jesus Guys 19:26

An you guys see an hear dat dis guy Paul make plenny peopo trus dis odda stuff. He turn away plenny peopo hea inside Efesus, an all ova West Asia. He tell dat da idol kine gods da peopo make, not gods fo real.

Galatia 4:8

Befo time you guys neva know God. Dat time you guys gotta do eryting da odda spirits tell you fo do, no matta dey not real kine gods.

Rules Secon Time 32:17

You make sacrifice to da aumakua kine spirits. But dat kine spirits, dey not real gods! You guys neva know dose spirits befo time. Dey new kine spirits fo you peopo. Befo time, yoa ancesta guys neva stay sked a dem O show respeck fo dem.