2 Records 12:3 - Hawaii Pidgin Bible

³ He get 1,200 war wagons an 60,000 army guys dat ride horse. He get mo plenny infantry guys den you can count dat come wit him from Egypt too, an from Libya, Suk, an Sudan.

2 Records 12:3 ပူးပေါင်းရင်းမြစ်များ

2 Samuel 10:18

But da Aram guys run away in front da Israel guys. David dem kill da guys dat ride 700 a dea war wagons, an 40,000 a dea horse rida guys. An he wack General Shobak. So Shobak mahke ova dea.

2 Kings 7:6

Az cuz da same time da sick guys leave Samaria town, da Boss wen make da Aram army guys hear plenny noise from plenny war wagons an horses, an one big army. Da army guys tell each odda, “Eh! Da Israel king wen pay da kings fo da Het peopo an da Egypt peopo fo come attack us guys!”

2 Records 14:12

Den Da One In Charge wack da Sudan guys in front Asa an da Judah guys. Da Sudan guys run away.

2 Records 14:8

Asa get 300,000 Judah guys inside his army. Dey use da big shield an da kine spear you throw.

2 Records 14:9

One time one general Zerah from Sudan bring one big army fo fight da Judah guys. He get plenny tousan guys in his army an three hundred war wagons. Dey come all da way Mareshah side nea Jerusalem.

2 Records 16:8

No foget now! Da Sudan guys an da Libya guys was one real big army wit plenny war wagons an plenny guys dat ride horse. But wen you wen trus Da One In Charge, he make you win ova dem.

Isaiah 43:3

Cuz me Da One In Charge, Da God fo all you guys. I da Spesho One fo da Israel peopo Dat get you guys outa trouble. I wen give Egypt fo pay So you no gotta be one slave, An Sudan an Yemen too.

Ezekiel 30:5

“ ‘Da army guys inside Sudan, Libya, Lydia, Army guys from anodda place dat fight fo Egypt, da Libya coast, An even da Jew army guys dat get one deal wit me, Dey all goin mahke in da war.

Daniel 11:43

He goin take da gold, da silva, an all da rich kine stuffs dat da Egypt peopo wen hide. Da Libya peopo an da Sudan peopo goin come unda him too.

Nahum 3:9

Da South Sudan peopo an da Egypt peopo Wen make Thebes town mo strong den anybody. Da Put peopo an da Libya peopo help Thebes.

Jesus Show 9:16

Somebody tell me had two hundred million guys riding horse.

Local Leadas 4:13

Sisera tell his nine hundred iron war wagons fo come, an all da guys wit him from Haroshet-Haggoyim, fo go da Kishon Gulch.

Local Leadas 6:5

Dey come wit dea animals an tents ova dea, jalike wen get real plenny locust kine grasshoppas. No can count da Midian guys an dea camels. Dey attack da land fo wase um.

1 Samuel 13:5

Da Filisha guys come togedda too fo fight da Israel guys, wit three tousan war wagon, six tousan guys dat ride horse, an choke plenny infantry guys, jalike da sand on top da beach. Dey go up an make camp Mikmash side, from Bet-Aven on da east side.