2 Records 11:3 - Hawaii Pidgin Bible

³ “Tell dis to Solomon boy Rehoboam, da king fo Judah, an to all da Israel peopo dat stay south side inside da Judah an Benjamin land,

2 Records 11:3 ပူးပေါင်းရင်းမြစ်များ

Start 49:28

Dass da twelve ohanas dat come from Israel, an dass wat dea faddah guy tell um wen he make da ceremony fo tell God wat he like God do fo dem an da peopo dat goin come from dem bumbye. Fo ery boy, he give um da kine words dat stay right fo him.

2 Kings 17:34

Till today, dose odda peopos still do da same ting dey wen do befo time. Dey no show respeck fo Da One In Charge fo real kine. Dey no stay do wat God tell dey gotta do. Dey no do wat God Da Judge tell az right. Dey no stay stick wit da rules dat Da One In Charge wen give da Jacob ohana, an give um da name Israel.

2 Records 10:17

But da Israel peopo dat live inside da Judah towns, Rehoboam still stay ova dem.

2 Records 11:2

But get one message from Da One In Charge fo Shemaiah, da guy dat stay tight wit God. Dis, da message:

2 Records 11:4

‘Dis wat Da One In Charge tell: No fight wit yoa braddah guys. Erybody go home! Cuz all dis dat stay happen now, az from me!’ ” So Rehoboam dem lissen wat Da One In Charge tell, turn back, an no go agains Jeroboam guys.

Outa Egypt 24:4

Den Moses write down all da tings Da One In Charge tell. Da nex morning early, Moses tell da peopo fo help build one altar down from da mountain. He tell um fo set up twelve big stone aroun da altar, one big stone fo all da Israel ohanas.

Philippi 3:5

Dey cut skin on me one week afta I born. Me from da Israel peopo, from da Benjamin ohana. Me hundred percent one Hebrew guy. I wen work real hard fo do eryting da Rules From God tell me fo do, jalike da Pharisee guys teach um.