2 Records 11:15 - Hawaii Pidgin Bible

¹⁵ Jeroboam put his guys fo be da pries guys fo da sacrifice places on top da hills, an fo da idol kine gods he wen make fo da goat spirits an da bebe cow kine gods.

2 Records 11:15 ပူးပေါင်းရင်းမြစ်များ

1 Kings 12:28

So King Jeroboam aks his helpa guys wat fo do. Den he tell his worka guys, “Make two idol kine gods outa gold, da kine dat look jalike bebe cows.” Den he tell da peopo, “Eh, az too hard fo you guys go all da way Jerusalem side fo make sacrifice! Look now! Right hea, da gods fo you Israel peopo! Dis, da ones wen bring you guys hea from da Egypt land!”

1 Kings 12:31

Jeroboam build small kine houses by da sacrifice places on top da hills fo pray. He take any kine peopo fo come prieses, even if dey not from da Levi ohana.

1 Kings 13:33

No matta all dis tings happen, Jeroboam still no ack diffren. He still do bad kine stuff. He still go make anybody from any kine place come pries guys fo da sacrifice places on top da hills. Anybody dat like come one pries, Jeroboam make um come pries fo da places on top da hills wea dey make sacrifice to odda gods.

1 Kings 14:9

You wen do mo plenny bad kine stuff den all da peopo dat wen come befo time. You make idol kine gods dat not fo you, dat you melt metal fo make. You make me come mad an walk away from me.

2 Records 13:8

“An now you guys make plan fo go agains da peopo dat get Da One In Charge fo dea king—da peopo dat da guys dat come from David get da right fo lead dem. Fo shua, you guys get one big army. You wen bring wit you da gold bebe cow statues dat Jeroboam wen make fo be yoa gods.

2 Records 13:9

But you guys wen throw out Aaron boys, dat stay da pries guys fo Da One In Charge, an da Levi ohana guys. You guys make odda guys yoa pries guys, jalike da peopos inside da odda lands stay do. Whoeva show up fo come spesho fo yoa gods, an bring one young boy cow an seven boy sheeps, dat guy can come one pries fo dose statues dat not fo real kine gods!

Outa Egypt 32:31

So Moses go back by Da One In Charge. He tell, “Try help me! Dese peopo, dey wen do plenny bad ting cuz dey make one gold idol god fo dem!

Hosea 13:2

Now, dey stay do bad kine stuff mo an moa. Dey cova idol kine gods wit dea silva. Dey know how fo make um real good. But dass ony peopo dat make um. Odda peopo talk bout dem. Dey tell, “Dose peopo dat make da sacrifices to odda gods, Dey kiss da bebe cow statues.”

Prieses 17:7

Dey betta not make sacrifices fo da goat kine idol gods, an fool aroun wit dose gods jalike one guy fool aroun behind his wife back. Dis da rule dat goin stay fo dem an dea kids from now an foeva.

Rules Secon Time 32:17

You make sacrifice to da aumakua kine spirits. But dat kine spirits, dey not real gods! You guys neva know dose spirits befo time. Dey new kine spirits fo you peopo. Befo time, yoa ancesta guys neva stay sked a dem O show respeck fo dem.

1 Timoty 4:1

God Spirit tell fo real kine dat bumbye befo da world pau some peopo no goin trus da tings we trus. Dey goin stay tight wit odda spirits dat bulai, an trus da stuff da bad kine spirits teach.

Jesus Show 16:14

Dose bad kine spirits do all kine awesome stuff fo show dea powa. Dey go out an get all da king guys in charge in da whole world fo bring dem togedda fo fight on da Big Day fo Da God Dat Get All Da Powa.