2 Records 10:8 - Hawaii Pidgin Bible

⁸ But Rehoboam no like lissen wat da older leadas tell um az good fo him do. He go talk wit da young guys dat wen grow up wit him an now dey work fo him. He aks dem bout wass good fo him do.

2 Records 10:8 ပူးပေါင်းရင်းမြစ်များ

2 Samuel 17:14

Absalom an all da Israel guys tell, “Wat Hushai da Ark guy tell us fo do, mo betta den wat Ahitofel tell us fo do.” (Cuz you know, Da One In Charge wen plan awready fo jam up wat Ahitofel tell fo do. He do dat fo Da One In Charge make bad kine stuff happen to Absalom.)

2 Records 10:9

He tell um, “Wat you guys tink az good fo me tell dese peopo? Dey tell me, ‘Yoa faddah guy wen make all us guys bus ass, jalike he wen put one heavy yoke on top us guys. But now, try make oua work mo easy den yoa faddah make um fo us!’ ”

Smart Guys 1:25

I wen tell you guys wass good fo you An you foget awready. I wen tell you fo real kine wass wrong, An you guys neva like dat.

Smart Guys 13:20

Hang out wit smart kine guys, You come smart jalike dem. But if you good frenz wit stupid peopo, You goin come jalike dem, an suffa.

Smart Guys 19:20

Lissen up wen peopo tell you Wass good fo you do. An lissen wen dey tell you How fo do da right ting, Cuz If you do dat, den bumbye You goin know wat fo do erytime.

Smart Guys 25:12

Wen one guy dat know wat fo do erytime Tell you dat someting you wen do, no good, An you ready fo lissen, Az real good, Jalike one gold earring O one necklace wit da bestes kine gold.

Smart Guys 27:10

No foget bout yoa frenz An yoa faddah frenz. Wen someting bad happen to you, No go yoa relative house. Mo betta go one fren live nea you fo help you, Den one relative dat live far away.

Smart Guys 9:9

You talk dat kine to one guy dat know wat fo do erytime, An he goin know even mo betta wat fo do. You tell da kine guy dat stay do da right ting Bout someting he neva know how fo do, An he goin learn even mo betta.)

Teacha 10:16

Bummahs fo you guys inside one country Dat get one guy dass too young fo be yoa king! An yoa prince guys pig out all day from morning time.

Isaiah 30:1

Dis, one message from Da One In Charge: “Bummahs! to da hard head peopo Dat stay go agains me! Dey make one plan an do um, But da plan, not from me. Dey make one deal wit peopo from anodda country, But my Spirit neva tell dem fo do dat. Dey do one bad ting, Den anodda mo worse ting.