2 Records 1:6 - Hawaii Pidgin Bible

⁶ Solomon go up by da bronze altar in front Da One In Charge, by da Tent Wea Da Peopo Meet God, an make one tousan burn up kine sacrifice on top um.

2 Records 1:6 ပူးပေါင်းရင်းမြစ်များ

1 Kings 3:4

Plenny times, King Solomon wen go Gibeon side fo make sacrifice ova dea, cuz dass da mos importan sacrifice place, on top one hill ova dea. Befo time King Solomon guys wen kill tousan cows, fo make burn up kine sacrifice on top dat altar.

1 Kings 8:5

King Solomon an all da odda Israel peopo dat wen come by him, dey all go wit him in front da Box. Da pries guys stay carry da Box, an da peopo make real plenny sacrifices. No can even count how plenny sheeps an goats an cows dey wen kill in front da Box!

1 Kings 8:63

Fo show dat eryting stay good wit him an Da One In Charge, Solomon an da pries guys kill 22,000 cows an 120,000 sheeps an goats fo make da sacrifice. An dass how da King an all da Israel peopo start fo use da Temple Fo Da One In Charge.

1 Records 29:21

Da nex day, da peopo make sacrifices fo Da One In Charge. Fo make burn up kine sacrifices fo him, dey kill one tousan bull, one tousan ram, an one tousan bebe boy kine sheep. Da drink sacrifices too, dey pour um out wit da meat sacrifices. An dey make plenny odda kine sacrifice too, fo all da Israel peopo.

2 Records 8:12

Dat time, on top da altar fo Da One In Charge dat Solomon wen build in front da Temple lanai, he make plenny burn up kine sacrifice fo Da One In Charge.

Isaiah 40:16

All da trees on top da Lebanon mountains Not enuff fo make one fire on top one altar. An all da animals dat live ova dea, Dey not enuff fo make da kine sacrifice Dat you burn up.