2 Records 1:10 - Hawaii Pidgin Bible

¹⁰ I like you make me know wat fo do erytime, an how fo tink good, fo be da leada fo all dese peopo. Cuz no mo nobody can figga wass right an wass wrong, fo dis big nation you get!”

2 Records 1:10 ပူးပေါင်းရင်းမြစ်များ

2 Samuel 5:2

Befo time, wen Saul stay da king ova us guys, was you dat wen lead da Israel army fo go fight da odda peopos. Da One In Charge wen tell you, aah? ‘You goin take kea my peopo, da peopo dat come from Israel, jalike one sheep guy take kea da sheeps. You goin come da one dat lead all dem.’ ”

1 Kings 3:9

You know, I yoa worka guy. So try give me one good heart fo lissen an undastan wat stay happen, fo me be da right kine judge fo yoa peopo. Help me fo undastan wass good an wass bad. Cuz no mo nobody hea, fo be da judge fo yoa awesome peopo!”

1 Records 22:12

Ony one ting—I like Da One In Charge make um fo you tink good bout eryting you gotta do, an help you undastan wass good an wass bad. Den, wen he put you in charge a da Israel peopo, you goin do wat all da Rules from yoa God, Da One In Charge, tell you fo do.

Songs 119:34

Help me fo undastan da Rules you give, So den fo shua I goin do um.

Songs 119:73

You, da One wen make me! Was you, wen put me togedda. Help me fo undastan Da tings you tell I gotta do.

Smart Guys 4:7

You like come da kine guy Dat know wat fo do erytime? Dis, da numba one ting: Go all out fo learn wat fo do erytime, An eryting you learn, Make shua you undastan um.

Smart Guys 8:15

If dey know who me, Da king guys can do dea job real good, An da big govmen guys can make good kine rules, Az how peopo goin do da right ting.

Census 27:17

fo him go out an come back in front dem fo lead dem fo war. Az how da peopo a Da One In Charge no goin be jalike da sheeps dat no mo sheep guys fo take kea dem.”

2 Corint 2:16

Wen da peopo dat stay cut off from God smell us, goin be jalike one hauna kine smell dat make dem tink bout how dey goin come cut off from God bumbye. Wen da peopo dat goin get life to da max fo real kine smell us, dat make um tink bout how dey goin stay alive foeva. Eh! Who stay big enuff fo handle all dat importan work fo God? Fo shua, no mo nobody!

2 Corint 3:5

We no mo da powa fo do notting. Da ony powa us guys get, come from God.

Rules Secon Time 31:2

“Me, I one hundred twenny year ol now, an I no can go hea an dea no moa. Da One In Charge tell me, ‘You no goin go da odda side a da Jordan Riva!’

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.