2 Peter 3:5 - Hawaii Pidgin Bible

⁵ But you know, get one ting dem buggahs make deaf ear bout: Long time befo time, wen eryting wen start, God wen command an get da sky. Den God wen start wit da watta fo make da land an da watta diffren kine. He make da land come up from da watta.

2 Peter 3:5 ပူးပေါင်းရင်းမြစ်များ

Start 1:6

Den God tell, “I like get someting inside da middo fo no let da watta up dea an da watta undaneat come togedda!”

Start 1:9

Den God tell, “I like da watta unda da sky come togedda one place, so dat get dry land!” An dass wat God wen do.

Songs 136:6

He wen spread out da groun Mo high den da watta, Cuz he stay tight wit his peopo foeva!

Songs 24:2

He wen make da world stay solid Ova da ocean, He wen set um up Ova da currents Dat run undaneat.

Songs 33:6

Da One In Charge, He jus tell da sky fo come, An da sky come. He ony need fo talk Fo make all da stars up dea come.

Smart Guys 17:16

Poho, fo one stupid buggah pay plenny Fo learn someting, Wen he tink he no need learn notting. Cuz he no like fo learn Wat fo do erytime.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Colosse 1:17

Jesus, he stay dea firs, befo eryting, An eryting stay togedda cuz a him.

Hebrews 11:3

Cuz us guys trus God, we undastan dat God wen make da world, da sky, an eryting from wat he tell. He neva make da stuff we can see from da odda tings we can see.