2 Peter 2:9 - Hawaii Pidgin Bible

⁹ All dis stuff show dat Da One In Charge know how fo get peopo outa trouble wen dey lissen him. Same time, he know how fo make da peopo suffa dat no like do wass right, till dey gotta stan in front God da Judge.

2 Peter 2:9 ပူးပေါင်းရင်းမြစ်များ

Job 21:30

Dey can tell you guys, dat wen get big trouble, Da bad kine peopo no suffa. Wen God come huhu, dey outa dea awready!

Job 5:19

He goin get you outa trouble foeva. Even da worse time, notting bad goin happen to you.

Songs 12:1

Eh! You Da One In Charge! Try help me! Cuz no mo nobody I can trus. I no can find nobody dat stay tight wit me!

Songs 32:6

Cuz a dat, I like tell dis: All da peopo dat stay tight wit you, Good dey pray to you Erytime dey get trouble. Jalike wen da big flood come down, An no hit dem.

Songs 37:33

But Da One In Charge no goin let Da bad guys take ova da good guys. Even if da good guys gotta go In front da judge, Da One In Charge no goin let notting bad happen to dem.

Songs 4:3

You guys gotta know dis: Da One In Charge, he make spesho kine To da guys dat stay tight wit him. He make um come his guys fo real kine. Wen I yell fo Da One In Charge help me, he lissen!

Smart Guys 12:13

Wen da bad kine peopo grumble bout God, Dey get into trouble an no can get out, Jalike one trap catch dem. Wen da peopo dat do wass right get into trouble, Dey can get out.

Smart Guys 16:4

Eryting dat Da One In Charge make, He know fo shua how come he make um. He even make da bad kine peopo Fo da bad kine tings happen to dem Wen da right time come.

Matthew 10:15

Dass right! Cuz wen dey stan in front God da Judge, dey goin get mo hard time den da peopo from Sodom town an Gomorrah town, da time God wen wipe um out.

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

Rome 2:5

But you get hard head. An you no like change wat you do. So, you stay make tings mo worse fo you. Bumbye God da Judge goin tell who wen do bad kine stuff, an erybody goin know dat God judge da right way. Den he goin punish you cuz he had it wit wat you do.

1 Corint 10:13

Wen you guys get chance fo do da bad kine stuff, dass da same ting, jalike wat happen to all da odda peopo. But you know, you guys can trus God fo do wat he tell he goin do. He no goin let you guys get mo plenny presha den you guys can handle. Erytime get presha lidat, God goin make um fo you guys get outa dat. He goin make you guys strong fo handle da presha fo you no fall down.

2 Timoty 3:12

An you know wat? Erybody dat like live da way God like, an stay tight wit God Spesho Guy Jesus Christ, peopo goin make dem suffa.

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.

2 Peter 2:4

You know, befo time had angel messenja guys dat wen do bad kine stuff, an God da Judge neva let um go. He wen throw dem down inside Hell, an tie um up wit chains fo make dem stay inside da Deep Dark Hole. Bumbye dey gotta stan in front God.

2 Peter 3:7

An you know wat goin happen wit da sky an da world dat get nowdays? God wen awready tell how goin be wit dem. He let um stay lidat right now, but he goin burn um up wen da time come. Dat time, God goin be da Judge an wipe out da peopo dat ack jalike God notting.

Jude 1:6

Same ting wit some angel messenja guys, da ones dat neva like stick wit da kuleana dat God wen give um. God wen give um dea place fo stay, but dey wen bag. Now dey all tie up wit chains foeva. An dey down dea inside da Deep Dark Hole. Den wen da Big Day come, God goin judge dem.

Jesus Show 3:10

You guys wen do wat I tell you fo do, an hang in dea an no give up. Az why I goin take kea you guys wen da big presha come, da kine presha dass goin come on top da whole world fo check out erybody dat stay down hea.’

1 Samuel 29:10

So, morning time, get up early, you an da odda guys. Befo time dey wen work fo yoa boss Saul too, an now dey come wit you. Go back wen get light to da town I wen give you guys.”