2 Peter 2:17 - Hawaii Pidgin Bible

¹⁷ Dose teacha guys dat bulai, dey jalike one puka wea da watta suppose to come out, but no mo watta. Dey jalike da low clouds dat da real strong wind blow away an no mo rain. God wen make one real dark place fo put dem guys.

2 Peter 2:17 ပူးပေါင်းရင်းမြစ်များ

Jeremiah 14:3

Dea alii guys sen dea worka guys fo go carry watta. Dey go da watta storage places, But no mo watta ova dea. Dey come back wit empty watta jars. Dey shame an dey lose face, Az why dey cova dea head.

Hosea 6:4

But Da One In Charge tell, “Wat I goin do wit you Efraim peopo? Wat I goin do wit you Judah peopo? Wen you guys tink you stay tight wit me, Az jalike da mist dat disappea morning time. Jalike da dew dat come early an den go way.

Matthew 22:13

So da king tell his worka guys, ‘Eh, tie up dis guy hands an feet, an throw um outside inside da dark. Ova dea goin get peopo dat goin cry real hard an grind dea teet cuz dey so huhu an futless.’

Matthew 25:30

Go throw dis no good worka guy outside in da dark. Ova dea dey goin cry real hard an grind dea teet cuz dey so huhu an futless.”

Matthew 8:12

But goin get odda guys fo God suppose to be dea King, but dey no like um be dea King. An den he goin throw um outside inside da dark. Ova dea dey goin cry plenny an grind dea teet cuz dey so huhu an futless.”

Efesus 4:14

Get some peopo dat like teach us guys all kine stuffs fo bulai us an dey sly buggahs. But we no goin lissen dem. We no goin be jalike small kids dat tink any kine stay fo real kine. We no goin be jalike one small boat dat da waves push all ova da place, an da wind go blow um hea an dea.

Hebrews 12:18

But da way God make da New Deal fo you guys, dass not jalike da way he make da firs deal. Cuz dat time, da Israel peopo come by Mount Sinai dat get da burning fire an storm on top, an was real black an dark all aroun.

2 Peter 2:4

You know, befo time had angel messenja guys dat wen do bad kine stuff, an God da Judge neva let um go. He wen throw dem down inside Hell, an tie um up wit chains fo make dem stay inside da Deep Dark Hole. Bumbye dey gotta stan in front God.

Jude 1:6

Same ting wit some angel messenja guys, da ones dat neva like stick wit da kuleana dat God wen give um. God wen give um dea place fo stay, but dey wen bag. Now dey all tie up wit chains foeva. An dey down dea inside da Deep Dark Hole. Den wen da Big Day come, God goin judge dem.