2 Peter 1:6 - Hawaii Pidgin Bible

⁶ But no stop dea. Know how fo hold back wen you gotta hold back. But no stop dea. Erytime you get hard time, hang in dea an no give up. But no stop dea. Do eryting da way God like.

2 Peter 1:6 ပူးပေါင်းရင်းမြစ်များ

Start 5:24

He stay tight wit God wateva he do, an den, Enok disappea, cuz God take um away.

Songs 37:7

No tell notting, jus wait In front Da One In Charge. Hang in dea, an wait Fo Da One In Charge take kea you. No come huhu if some odda guy Stay make plenny money An no let um bodda you Wen da peopo make One no good kine plan an do um.

Isaiah 57:1

But da peopo dat get um right wit God, Wen dey mahke, Nobody even tink bout dat. Da peopo dat stay tight wit God, He take dem away. But nobody undastan God stay take away da good kine guys too, So dey no suffa from da bad kine stuff Da odda peopo stay do.

Luke 21:19

If you guys hang in dea to da end, you guys goin get da kine life dass fo real!

Luke 8:15

But ho! Da seeds dat fall down inside da good dirt, dass jalike da peopo dat hear wat God tell. Dey get one good heart, do da right ting, an no give up. Dey jalike da seeds dat give good kine wheat.”

Jesus Guys 24:25

Paul tell um gotta get um right wit God, do da right stuff, cuz us guys goin stan in front God da Judge bumbye. Den Felix come sked, an he tell, “Nuff awready! Go back inside. Wen I like lissen you moa, I goin tell you fo come one mo time.”

Rome 15:4

Eryting dat peopo wen write inside da Bible befo time, all dat stay inside da Bible fo teach us guys fo come mo strong fo hang in dea. Dass da good kine words we get from da Bible. Fo shua we goin know dat bumbye God goin do plenny good tings fo us.

Rome 2:7

God goin give some peopo da real kine life dat goin stay to da max foeva, cuz erytime dey hang in dea an do da right ting. Dey like get plenny respeck from God, an get da real kine life.

Rome 8:25

But wen we wait fo someting we neva see happen yet, den we goin hang in dea real good an wait fo see dat happen.

1 Corint 9:25

All da guys in da race, dey stay do ony wat da coach tell um fo do, aah? An dey do all dat ony fo get one haku lei dat goin mahke laytas. But us guys, wat we goin get no goin come poho eva.

2 Corint 6:4

But eryting us guys do, cuz we God worka guys, we like show dat us da fo real kine worka guys fo God. Us guys can handle, no matta dey give us trouble, you know. Us guys get hard time an us get plenny presha.

Galatia 5:23

He help us make nice to peopo an do um wit one good heart. He help us fo hold back wen we gotta hold back. No mo rules dat tell you dat you no can do all dat kine stuff I wen jus tell you.

Colosse 1:11

an get mo strong inside from God awesome kine powa, dat goin make you guys handle any kine an hang in dea long time.

1 Tessalonika 1:3

We no foget da way you guys do all kine stuff cuz you trus Christ, an da way you guys work real hard cuz you get love an aloha fo him, an da way you guys hang in dea cuz you stay shua dat Da One In Charge a us guys, Jesus Christ, he goin come back. An God oua Faddah, he know all dis stuff too cuz he see eryting you guys do.

2 Tessalonika 1:4

Dass why we talk good bout you guys to all God peopo dat come togedda fo church, all ova. We tell um how you guys hang in dea an stay trus God, no matta da odda peopo make you suffa plenny an make any kine to you guys.

2 Tessalonika 3:5

I like Da One In Charge show you guys how fo get plenny love an aloha inside, jalike God get plenny love an aloha. Plus, I like he help you guys fo hang in dea jalike God Spesho Guy Christ stay hang in dea.

1 Timoty 2:10

Mo betta dey do good kine stuff fo odda peopo. Dass wat stay right fo da wahines dat stay tell peopo dat dey get respeck fo God.

1 Timoty 2:2

Pray lidat fo da kings an all da odda leada guys, fo us stay good erytime, an fo notting bodda us. Den goin be mo easy fo do stuff da way God like, fo be solid kine peopo, an fo da odda peopo get respeck fo us guys.

1 Timoty 3:16

We all tell dis: Da stuff bout God, dat befo time was secret, dass importan fo real kine. Christ wen come, Wit one body jalike us. God Spirit wen show proof dat Christ stay right. Da angel guys from God wen see him. His guys wen teach Da diffren peopos all ova da world bout him. Get peopo inside da world dat trus him. God wen take him back To da awesome place inside da sky.

1 Timoty 6:11

Eh Timoty, you God guy. Run away from all da bad kine stuff you do. Go all out fo do da right ting, fo do wat God like, fo trus God, fo get love an aloha fo erybody, fo hang in dea, an fo make nice to peopo.

1 Timoty 6:3

If get anybody dat teach diffren kine stuff, an no like take da solid stuff from Da One In Charge a us guys, Jesus Christ, an da stuff we teach bout God,

1 Timoty 6:6

You know, if we do stuff fo God how he like, an stay good inside, den we goin come rich inside.

2 Timoty 3:5

Dey goin ack jalike dey stay real religious, but dey tell erybody dea kine religion no mo powa. You gotta stay away from dat kine peopo.

Titus 1:1

Titus, my boy! Aloha! Dis from me, Paul, da worka guy fo God. Jesus Christ, da Spesho Guy God Wen Sen, he wen sen me all ova fo tell peopo bout him. Jesus wen sen me fo help all da guys God wen pick fo trus him. An anodda ting—he sen me fo help dem know fo shua da trut bout how we suppose to make wen we come close to God.

Titus 1:8

Da main leada guy, he betta not make lidat. Wen peopo from anodda place come stay his place, he show dem aloha. He feel good inside wen he see good tings happen. He know wat he stay do, an he erytime do da right ting. He stay good an spesho fo God all da time. An he in charge a how he ack.

Titus 2:2

Tell da older guys inside da church, dat all dem gotta stay in charge a wat dey do. Tell um fo be solid kine guys, fo da peopo get respeck fo um. Tell um fo be da kine guys dat tink bout wat dey goin do befo dey do someting. Dey gotta trus God, get love an aloha fo God an erybody, an hang in dea.

Hebrews 10:36

You guys gotta hang in dea. An afta you guys do eryting dat God like you guys fo do, den bumbye you guys goin get da stuff he wen promise.

Hebrews 12:1

So den, wat bout us guys? All dose peopo dat trus God befo time, jalike dey all run one race. An now, jalike dey all stan aroun us guys fo spock us run da race. Az why we gotta hemo all da heavy kine stuff dat make us run slow, an da bad kine stuff dat jam us up. We gotta hang in dea an no give up, an run da whole race dass fo us.

Hebrews 6:12

We no like you guys ack jalike you guys no like do notting. Mo betta you guys make jalike da peopo dat bumbye goin get all da stuffs God wen promise his kids, cuz dey trus God an stay hang in dea.

Hebrews 6:15

So Abraham hang in dea an wait long time, an den he get wat God wen promise fo give um.

2 Peter 1:3

Jesus get da kine powa ony God get. Az how he wen give us guys eryting we need fo live to da max fo real kine, da way God like us fo live. An God do dat fo help us guys know him mo betta, an az worth plenny. He da One dat wen tell us fo come be his guys! He tell dat cuz he real awesome an real good.

2 Peter 3:11

Kay den. If az fo shua, dat all dese tings goin burn up lidat, den eh! wat kine peopo you guys gotta be? You gotta go all out fo God da way you live, da way God like you fo live,

Jesus Show 1:9

Me, I you guys braddah John. I jalike you guys, cuz I stay tight wit Jesus too. Cuz a dat, I stay suffa plenny jalike you guys. I get Jesus fo king jalike you guys. An I stay hang in dea jalike you guys. Dey put me on top Patmos Islan cuz I stay tell wat God tell, az da trut dat Jesus Christ tell.

Jesus Show 13:10

Whoeva suppose to go prison, Dey goin go prison! Whoeva suppose to get kill wit sword, Dey goin get kill wit sword!” So dass why, God spesho peopo, dey gotta hang in dea an lissen God an trus him!

Jesus Show 14:12

“Dat mean, da peopo dat stay spesho fo God goin hang in dea. Dey da ones dat lissen God, an stay trus Jesus.”

Jesus Show 2:2

‘I know wat you guys stay do. You guys work hard an stay hang in dea. I know fo shua you guys had it wit odda guys dat do bad kine stuff. You guys check out da odda guys dat tell I wen sen um, but I neva. An you guys find out dat dey bulai.