2 Peter 1:19 - Hawaii Pidgin Bible

¹⁹ Az how make all us guys mo shua bout da tings we wen learn from da guys dat wen talk fo God befo time. Az good you guys do wat dey wen tell you fo do! Cuz da stuff dey tell, az jalike one small lamp dat shine inside one real dark place. You guys gotta lissen wat dey wen tell. So stay lissen good till Jesus come back! Den you guys goin undastan mo an mo betta. Goin be jalike wen da light from da morning star come out, an den da sun come out!

2 Peter 1:19 ပူးပေါင်းရင်းမြစ်များ

Songs 119:105

Da tings you tell, dass jalike one lamp Fo show me wea fo put my feets, Dass jalike one light Dat let me see da road.

Smart Guys 6:23

Cuz da ting I tell you fo do, An da rules yoa muddah teach you, Dass jalike one small lamp, O one light Dat show you da way fo live fo real kine, An show you wat you wen do wrong, Fo you go back to da right way fo live.

Isaiah 14:12

You Babylon kings, all you, You guys wen shine jalike da morning star, Shining plenny even wen da sun start fo come up. But now, look how you guys fall down from outa da sky! God take you an throw you guys down to da earth, No matta befo time you guys strong an bus up all da peopos.

Isaiah 41:26

Wat god you tink wen tell bout dis From da time eryting wen start, Fo us guys know who him?! Da odda gods no can tell dis! Wat god talk bout um befo time Fo us tell, ‘Eh, dat one get um right!’ Da odda gods no can tell dis! Fo shua, nobody talk bout dis befo time. Nobody eva hear notting From all you gods, O from some odda guy.

Isaiah 8:20

Check out wat dem guys dat lissen da spirits tell. See if dey tell da same ting da Rules From God tell, an if dey talk da same kine jalike wat you know Da One In Charge tell. If dey talk diffren kine, den wat dey tell no goin help you undastan notting.

Isaiah 9:2

Da peopo dat donno wat fo do, Jalike dey stay walk aroun inside one dark place, Dey goin know wat fo do, Cuz jalike dey see one big light. Da peopo dat live inside da place Wea erybody stay sked dey goin mahke, Da light stay come dea awready.

Matthew 4:16

Da peopo ova dea dat stay inside da dark, Dey see one big light now. An all da guys dat stay In da dark place wea peopo goin mahke, Da light come fo dem.”

John 5:35

Wat John tell stay jalike one lamp dat stay shine bright. Fo short time you guys wen like wat John tell, cuz make you guys stay good inside.

John 5:39

You guys go check out da Bible erytime, cuz you guys figga you goin find da real kine life dat goin stay to da max foeva, inside da Bible from befo time. But wen da Bible talk bout how fo get da real kine life, dass me he stay talk bout.

John 8:12

Jesus talk to da peopo one mo time. He tell, “I jalike da light fo da peopo inside da world. Whoeva come by me an be my guy, dey no goin go aroun inside da dark. Dey goin get da light dat make dem live fo real kine.”

Jesus Guys 15:29

No eat da meat from sacrifices dey make fo da idol kine gods, o da blood, o da meat from da animal dey choke, an no fool aroun nobody. You guys goin do good if you no do dat kine stuff. “Dass it!”

Jesus Guys 17:11

Da Berea peopo, dey mo betta den da Tessalonika peopo, cuz dey trus da Good Stuff Bout Jesus. Ery day dey study real good wat da Bible tell from befo time fo find out if wat Paul tell az true.

Hebrews 2:2

You know, all da stuff da angel messenja guys tell befo time was da trut, an was from God. If had peopo dat broke da Rules From God an neva lissen, God wen do da right ting wen he punish um fo da Rules dey wen broke.

James 2:8

You know you stay do da right ting if you do wat God da King tell you gotta do. Da Rule inside da Bible tell, “You gotta get love an aloha fo da odda guy, jalike you get love fo you.”

1 Peter 1:10

Da guys dat wen talk fo God long time befoa, wen talk bout da way God stay hemo you guys from da bad kine stuff you guys stay in. Dey wen tell bout how God goin do plenny stuff fo you guys. Dose talka guys wen look hard an check out plenny stuffs fo find out bout da good tings dat goin happen to you guys.

1 John 5:10

Whoeva trus God Boy know fo shua dat wat God tell bout his Boy stay true. But whoeva no trus God, jalike dey stay tell, “God, he bulai!” cuz dey no trus wat God tell bout his Boy.

3 John 1:6

Oua braddahs an sistahs dat wen go yoa place, dey wen tell da church peopo dat come togedda ova hea dat you get plenny love an aloha. Go help dem wit wateva dey need, da way God like you fo do.

Jesus Show 2:28

Erybody dat fight an win ova da bad kine stuff, Dey goin be awesome, jalike da early morning star.

Jesus Show 22:16

“Me, I Jesus. I wen sen my angel messenja guy fo tell you guys inside da churches all dis stuff. I come from David ohana. I jalike da plant dat come up from da root. I jalike da bright Morning Star.