2 Kings 9:25 - Hawaii Pidgin Bible

²⁵ Jehu tell Bidkar, da officer dat help drive his war wagon, “Pick up his mahke body, an throw um on top da field dat Nabot, da guy from Jezreel, wen own um befo Ahab take um away. No foget how me an you wen ride togedda inside two war wagons in back a Ahab, Joram faddah, wen Da One In Charge give dis word bout Ahab:

2 Kings 9:25 ပူးပေါင်းရင်းမြစ်များ

1 Kings 19:17

Hazael goin kill plenny peopo wit his sword, an da ones he no kill, Jehu goin kill um. An da ones Jehu no kill wit his sword, Elisha goin kill dem.

1 Kings 21:1

Laytas, one mo ting happen wit Ahab, da king fo da Samaria peopo. Had one guy Nabot from Jezreel. He get one grape farm dea. Da grape farm stay nea one palace da king get ova dea.

1 Kings 21:19

Tell dis to Ahab: ‘Dis, wat Da One In Charge tell: Fo shua, you wen kill one guy, an den you take ova his farm!’ “Den tell um dis too: ‘Dis, wat Da One In Charge tell: Da same place wea da dogs wen suck up Nabot blood, dey goin suck up yoa blood too!’ ”

2 Kings 15:12

Dis all happen da way Da One In Charge wen tell Jehu goin happen: “You, yoa boy, yoa grankid, an yoa great-grankid, goin sit on top da Israel throne, ony four a dem. Den yoa blood line goin come pau.”

2 Kings 9:26

‘Befo time, I wen see you make Nabot an his boys bleed an mahke. An fo shua I goin pay you back fo wat you wen do to Nabot, on top dis same piece land. Dat word come from me, Da One In Charge.’ So now, go pick up Joram mahke body an throw um down on top dat land, jalike Da One In Charge wen tell goin happen.”

Isaiah 13:1

Me, Isaiah, Amoz boy, I get heavy kine stuff fo tell bout wat I see goin happen to Babylon:

Ezekiel 12:10

“So tell dem, ‘Dis wat da Boss, Da One In Charge tell: Dis bout da bad tings dat goin happen fo da prince guy inside Jerusalem, an fo all da Israel ohana peopo dat stay dea.

Nahum 1:1

Da One In Charge show Nahum from Elkosh town someting jalike one dream, bout wat goin happen to da Assyria peopo dat live Nineveh town.

Malakai 1:1

Lissen up! Dis wat Da One In Charge tell. He tell dat me, Malakai, da messenja guy dat suppose to tell da Israel peopo bout Da One In Charge.

Matthew 11:30

Cuz my yoke real easy fo put on, an my load not heavy.”