2 Kings 9:22 - Hawaii Pidgin Bible

²² Wen Joram see Jehu, he aks, “Eh Jehu, you come hea fo fight us guys, o eryting stay okay?” Jehu tell, “How can eryting stay okay, wen all da time yoa muddah Jezebel stay fool aroun wit all da odda gods an stay put kahuna on top plenny peopo?!”

2 Kings 9:22 ပူးပေါင်းရင်းမြစ်များ

1 Kings 18:19

“So now, go sen peopo all ova da Israel land fo bring togedda all da peopo by me on top Mount Carmel. An bring da 450 guys dat talk fo da Baal god, an da 400 guys dat talk fo da Asherah god, dat Jezebel stay give food from her palace!”

1 Kings 18:4

Befo time, wen Jezebel stay kill da guys dat talk fo Da One In Charge, Obadiah wen take one hundred a dem an hide um, fifty inside one big cave, an fifty mo inside anodda cave, an he make shua dey get food an watta.)

1 Kings 21:25

(Neva have anodda guy like Ahab. He go sell out fo do real bad kine stuff dat Da One In Charge tell fo no do. His wife Jezebel, she push him fo make lidat.

2 Kings 9:18

Da horse rida guy ride fo meet Jehu, an tell, “Dis wat da king tell, ‘You guys come fo fight us, o wat?’ ” Jehu tell, “Wassup wit you bout no come hea fight, aah? Go come wit me, we go fight ova dea!” Den da guy dat stay watch da roads tell, “Da messenja guy reach dem, but he no turn aroun an come back.”

2 Records 21:13

But you make jalike da Israel kings. You make da Judah an Jerusalem peopo fool aroun wit odda gods, jalike da Ahab ohana wen do. An you even kill yoa braddahs from yoa faddah ohana, guys dat was mo betta den you.

Teacha 3:8

One time fo love An one time fo hate. One time fo make war An one time fo make eryting pono.

Nahum 3:4

All dis happen cuz da Nineveh peopo jalike one hoa. She look nice, but she put kahuna on top peopo. Da nations come her slaves Cuz she fool aroun wit dem, An da ohanas come her slaves Cuz she put kahuna on top dem.

Jesus Show 18:23

No mo light from da lamp goin shine inside yoa town one mo time. No mo bride an groom. Yoa trader guys was da mos importan guys inside da world! But you wen make da diffren peopos all ova da world go da wrong way!

Jesus Show 18:3

Da Babylon peopo, jalike dey one wahine, An all da diffren peopos all ova da world, Jalike dey fool aroun wit her. She make um do any kine, Jalike she make um drink too much strong wine Fo make um come real piloot! Da kings inside da world wen fool aroun wit her too. An da trader guys all ova da world Wen come rich from all kine rich stuffs Dat Babylon get from dem fo ony her.”

1 Samuel 16:4

So Samuel do wat Da One In Charge tell. Wen he come Betlehem, da older leadas fo da town go meet him. But dey stay sked an shaking. Dey aks, “How come you hea? Eryting stay good, o wat?”